జనగామలో దారుణం.. వీఆర్ఓపై కుల బహిష్కరణ వేటు

ఊరి పెద్దల పంచాయతీలు. తీర్పులు గురించి మనం చాలా విన్నాం. స్థానికంగా ఉన్న తగాదాల్ని, సమస్యల్ని పరిష్కరించుకునేందుకు ఊరి పెద్దలు కొందరు రచ్చబండ ఏర్పాటు చేసి సమస్యల్ని ఎక్కడికక్కడ పరిష్కరిస్తూ ఉంటారు. పోలీస్ స్టేషన్ మెట్లెక్కకుండా తమ గ్రామస్థుల సమస్యలకు తామే ఏదో ఓ మార్గం చూపిస్తుంటారు. ఇరు వర్గాల మధ్య రాజీ కుదిర్చి సమ్యను సద్దుమణిగించే ప్రయత్నం చేస్తుంటారు. ఇలాంటివి ప్రతీ రాష్ట్రంలో నేటికి ఏదో ఓ మూల జరుగుతూనే ఉన్నాయి. అయితే తాాజాగా ఓ వీఆర్‌ఓపై కుల బహిష్కరణ వేటు వేశారు గ్రామ పెద్దలు.

జనగామ జిల్లాలో ఈ దారుణం జరిగింది. జనగామ మండలం యశ్వంతపూర్‌లో వీఆర్‌ఓపై కుల బహిష్కరణ వేటు వేశారు. దీనికి కారణం అతని ఉద్యోగమే. తన తండ్రి ద్వారా సంక్రమించిన వీఆర్ఓ ఉద్యోగం కోసం 15 లక్షల రూపాయలను పాలివాళ్లు డిమాండ్ చేశారు. అంత ఇచ్చుకోలేనని బాధితుడు తెలిపాడు. దీంతో బాధితుడిని కులబహిష్కరణ చేయడంతో పాటు శిరోముండనం చేయాలని అనాగరిక తీర్పును గ్రామ పెద్దలు ఇచ్చారు. ఈ విషయం పోలీసులకు చేరడంతో కేసు నమోదు చేసి విచారణ జరుపుతున్నారు.