Son in Law Suicide: ప్రేమ పెళ్లి అత్తింటి వేధింపులు.. అల్లుడు ఆత్మహత్య

అత్తింటివారి వేధింపులు భరించలేక అల్లుడు ఆత్మహత్య చేసుకున్న ఘటన మంచిర్యాల జిల్లాలో చోటు చేసుకుంది. ప్రేమించిన అమ్మాయిని పెళ్లి చేసుకున్న పాపానికి అతడ్ని తీవ్ర ఇబ్బందులకు గురి చేశారు అత్తింటివారు. ఆ వేధింపులు తట్టుకోలేక.. అతడు ఆత్మహత్యకు పాల్పడ్డాడు. ఈ ఘటన మంచిర్యాల జిల్లా దండేపల్లికి చెందిన చెన్నవేని వెంకటేశ్ (28) అదే గ్రామానికి చెందిన ఓ యువతిని ప్రేమించి పెళ్లి చేసుకున్నాడు. ఆరేళ్ల కిందట వీరిద్దరి ప్రేమ పెళ్లి జరిగింది.

అయితే అప్పటి నుంచి ఆ పెళ్లి ఇష్టంలేని యువతి తండ్రి, అన్నదమ్ములు, మేనత్త నుంచి వెంకటేశ్కు నిత్యం వేధింపులు ఎక్కువయ్యాయి. తనను సూటిపోటి మాటలతో వేధిస్తున్నారని పలుమార్లు పెద్దమనుషుల సమక్షంలో పంచాయితీ కూడా పెట్టించాడు. పోలీస్స్టేషన్లో కూడా వెంకటేష్ ఫిర్యాదు చేసి కౌన్సెలింగ్ ఇప్పించినా వాళ్ల తీరులో మాత్రం మార్పు రాలేదు. ఈ క్రమంలోనే శుక్రవారం రాత్రి గొడవ జరిగింది. ఈ ఘర్షణలో యువతి తల్లిదండ్రులు వెంకటేశ్ పై చేయిచేసుకున్నారు.

Read More: బీజేపీ ఎమ్మెల్యే రాజా సింగ్ ఇంట తీవ్ర విషాదం

దీంతో తీవ్ర మనస్తాపానికి గురైన వెంకటేశ్.. ఊరి పెద్ద చెరువు దగ్గరకి వెళ్లి పురుగుల మందు తాగాడు. తన చావుకు కారకులైన అత్తింటివారిని కఠినంగా శిక్షించాలని ఫోన్లో వాయిస్ రికార్డ్ చేసి తన కుటుంబ సభ్యులకు మెసేజ్ చేశాడు. అయితే వారు వెంటనే వెంకటేశ్దగ్గరికి చేరుకొని కరీంనగర్ లో ఓ ప్రైవేట్హాస్పిటల్ కు తరలించారు. ఈ క్రమంలో చికిత్స పొందుతూ ఆదివారం ఉదయం వెంకటేశ్ చనిపోయినట్లు కుటుంబ సభ్యులు తెలిపారు. పోలీసులు కేసు దర్యాప్తు చేస్తున్నారు.