హైదరాబాద్‌లో విషాదం.. చిన్నారితో సహా మహిళ ఆత్మహత్య

హైదరాబాద్‌లోని రామాంతాపూర్‌లో దారుణం చోటు చేసుకుంది. శ్రీనివాసపురం కాలనీలో నివాసం ఉంటున్న ఓ మహిళ ఏడాది వయసున్న కూతురితోపాటు ఆత్మహత్య చేసుకుంది. వివరాల్లోకి వెళ్తే.. మేరి మార్టెన్ అనే వివాహిత భర్తతో గొడవ పడింది. క్షణికావేశంలో నాలుగో అంతస్తు నుంచి దూకింది. తను చనిపోతే కుమార్తె భవిష్యత్తు ఏంటనే ఆందోళనతో పాపతో సహా దూకేసింది. దీంతో ఇద్దరూ ప్రాణాలు కోల్పోయారు.

సమాచారం అందుకున్న ఉప్పల్ పోలీసులు కేసు నమోదు చేసి దర్యాప్తు చేస్తున్నారు. పోస్టు మార్టం నిమిత్తం మృతదేహాలను గాంధీ హాస్పిటల్‌కు తరలించారు.