అనాధ మృతి... చేతి సంచిలో భారీగా డబ్బు చూసి షాక్

ఓ అనాధ మృతి చెందాడు. అతడికి ముందు వెనుకా ఎవరూ లేరు. అయితే అతడి చేతిలో సంచి చూసి స్థానికులంతా షాక్ అయ్యారు. అందులో ఉన్న డబ్బును చూసి అంతా అవాక్కయ్యారు. ఈ ఘటన కామారెడ్డి జిల్లాలో చోటు చేసుకుంది. వివరాల్లోకి వెళ్తే.. లింగంపేట్ మండలం కోమటిపల్లి గ్రామ శివారుల్లో అల్లూరమ్మా ఆలయం వద్ద సాహబ్ అలీ అనే అనాధ వృద్ధుడు మృతి చెందాడు. అయితే అతడి చేతి సంచిలో భారీగా డబ్బును గుర్తించారు స్థానికులు.

సాహబ్ అలీ మృతదేహాన్ని గుర్తించిన స్థానికులకు అతని చేతిలో ఓ సంచి కనిపించింది. ఆ సంచిలో ఏముంది? అని తెరిచి చూసి అంతా షాక్ అయ్యారు. అందులో రూ. 1,42,000 రూపాయలు లభ్యమయ్యాయి. దీంతో ముస్లిం మత పెద్దలు ఆ డబ్బు మొత్తాన్ని లింగంపేట్‌లో ఉన్న మజీద్‌కు విరాళంగా తీసుకున్నారు. అనాధ చేతి సంచిలో ఇంత భారీ మొత్తంలో డబ్బు చూసి అంతా షాక్ తిన్నారు. అనంతరం ఆ డబ్బును మత పెద్దలకు అప్పగించారు.