కామారెడ్డిలో టీచర్ రాసలీలలు.. వీడియో కాల్ చేసి.. దారుణం
ఆన్లైన్ తరగతుల పేరుతో విద్యార్థినుల ఫోన్ నంబర్లు సేకరించిన హెచ్ఎం.. వారికి ఫోన్ చేసి నీచంగా ప్రవర్తించేవాడని ఆరోపణలొస్తున్నాయి. వీడియో కాల్ చేసి అందాలు చూపించాలంటూ లైంగిక వేధింపులకు పాల్పడినట్లు చెబుతున్నారు.
Samayam Telugu 3 Mar 2021, 7:54 pm
ప్రధానాంశాలు:
- పదో తరగతి విద్యార్థి ఆత్మహత్యాయత్నం
- విద్యార్థుల ధర్నాతో హెచ్ఎం బాగోతం బట్టబయలు
- తీవ్రమైన లైంగిక వేధింపుల ఆరోపణలు
ఆదిలాబాద్లో కీచక టీచర్ వ్యవహారం మరువక ముందే మరో కామాంధుడి బాగోతం బయటపడింది. విద్యార్థినులను లైంగిక వేధింపులకు గురిచేస్తున్న ప్రధానోపాధ్యాయుడి అరాచకం వెలుగుచూసింది. విద్యార్థులు, తల్లిదండ్రుల ఆందోళనతో హెచ్ఎం కీచకపర్వం వెలుగులోకి వచ్చింది. కామారెడ్డి జిల్లా కేంద్రంలోని ప్రభుత్వ ఉన్నత పాఠశాల హెచ్ఎం నల్లమడుగుతండాకి చెందిన పదో తరగతి విద్యార్థి రాముకి టీసీ ఇచ్చి పంపేశారు. తీవ్ర మనస్థాపానికి గురైన రాము ఇంటికి వెళ్లి పురుగుల మందు తాగి ఆత్మహత్యాయత్నం చేశాడు. గమనించిన కుటుంబ సభ్యులు వెంటనే ఆస్పత్రికి తరలించారు. ప్రస్తుతం అతని పరిస్థితి విషమంగా ఉండడంతో ఐసీయూలో ఉంచి చికిత్స అందిస్తున్నారు. హెచ్ఎం వేధింపుల కారణంగానే రాము ఆత్మహత్యాయత్నం చేశాడంటూ విద్యార్థి సంఘాల నేతలు, విద్యార్థుల తల్లిదండ్రులు ఆందోళను దిగారు. విద్యార్థుల ధర్నాతో హెచ్ఎం అరాచకాలు వెలుగుచూశాయి. ఆన్లైన్ క్లాసుల పేరుతో విద్యార్థినులను లైంగిక వేధింపులకు గురిచేసిన ఘటన వెలుగులోకి వచ్చింది.
కరోనా కారణంగా విద్యార్థులకు ఆన్లైన్లో తరగతులు నిర్వహించాలన్న ప్రభుత్వ ఉద్దేశాన్ని హెచ్ఎం తనకు అనుకూలంగా మలచుకున్నాడన్న ఆరోపణలున్నాయి. ఆన్లైన్ క్లాసుల పేరుతో విద్యార్థినుల ఫోన్ నంబర్లు సేకరించి వారికి ఫోన్ చేసి వేధింపులకు గురిచేసేవాడని చెబుతున్నారు. అమ్మాయిలకు వీడియో కాల్ చేసి అందాలు చూపించాలంటూ నీచంగా ప్రవర్తించేవాడని తీవ్ర ఆరోపణలు చేస్తున్నారు. పాఠశాల ప్రారంభమయ్యాక కూడా హెచ్ఎం విద్యార్థినులతో అసభ్యంగా ప్రవర్తించాడని.. డ్యాన్స్ క్లాసుల పేరుతో ఒక్కొక్కరిని గదిలోకి తీసుకెళ్లి వేధింపులకు గురిచేశాడని ఆరోపించారు. వెంటనే సదరు హెచ్ఎంపై కఠిన చర్యలు తీసుకోవాలని డిమాండ్ చేస్తున్నారు.
Also Read:
కరోనా కారణంగా విద్యార్థులకు ఆన్లైన్లో తరగతులు నిర్వహించాలన్న ప్రభుత్వ ఉద్దేశాన్ని హెచ్ఎం తనకు అనుకూలంగా మలచుకున్నాడన్న ఆరోపణలున్నాయి. ఆన్లైన్ క్లాసుల పేరుతో విద్యార్థినుల ఫోన్ నంబర్లు సేకరించి వారికి ఫోన్ చేసి వేధింపులకు గురిచేసేవాడని చెబుతున్నారు. అమ్మాయిలకు వీడియో కాల్ చేసి అందాలు చూపించాలంటూ నీచంగా ప్రవర్తించేవాడని తీవ్ర ఆరోపణలు చేస్తున్నారు. పాఠశాల ప్రారంభమయ్యాక కూడా హెచ్ఎం విద్యార్థినులతో అసభ్యంగా ప్రవర్తించాడని.. డ్యాన్స్ క్లాసుల పేరుతో ఒక్కొక్కరిని గదిలోకి తీసుకెళ్లి వేధింపులకు గురిచేశాడని ఆరోపించారు. వెంటనే సదరు హెచ్ఎంపై కఠిన చర్యలు తీసుకోవాలని డిమాండ్ చేస్తున్నారు.
Also Read: