అర్ధరాత్రి జనం కంటపడిన జంట.. ఒక్కసారిగా షాక్

మనసులు కలిసిన యువతీయువకులు మూడుముళ్లతో ఏకం కావాలనుకున్నారు. కుటుంబ సభ్యులు ఒప్పుకోలేదు. ఒకరిని మరొకరు ఉండలేక అర్ధరాత్రి వేళ ఊరుదాటారు. కలిసి బతికే ధైర్యం లేకనో.. పెళ్లి చేసుకున్నా కుటుంబ సభ్యులు వదిలిపెట్టరనే భయమో తెలీదు కానీ ఇద్దరూ అఘాయిత్యానికి ఒడిగట్టారు. ప్రేమించిన పాపానికి ప్రాణాలు తీసుకోవాలనుకున్నారు. తీరా ప్రేమ జంటను అక్కడున్న జనం గమనించడంతో ప్రమాదం నుంచి బయటపడ్డారు. ఈ షాకింగ్ ఘటన నిజామాబాద్ జిల్లాలో జరిగింది.

నిజామాబాద్‌లోని గౌతమ్ నగర్‌కి చెందిన ప్రశాంత్, బాన్స్‌వాడ సమీపంలోని నెమలి గ్రామానికి చెందిన జ్యోతి మనసులు కలిశాయి. కొద్దికాలంగా ఇద్దరూ ప్రేమించుకుంటున్నారు. వివాహ బంధంతో ఒక్కటి కావాలనుకున్న జంట విషయం ఇంట్లో చెప్పడంతో ఇబ్బందులు మొదలయ్యాయి. కుటుంబ సభ్యులు పెళ్లికి ఒప్పుకోకపోవడంతో అర్ధరాత్రి ఇంటి నుంచి బయటికి వచ్చేశారు. డిచ్‌పల్లి గ్రామ శివారుకు చేరుకుని ఇద్దరూ ఆత్మహత్యాయత్నం చేశారు. గొంతుకోసుకుని బలవన్మరణానికి యత్నించారు. అటుగా వెళ్తున్న జనం గమనించి వెంటనే పోలీసులకు సమాచారం అందించారు. సంఘటన స్థలానికి చేరుకున్న పోలీసులు ప్రేమ జంటను ఆస్పత్రికి తరలించారు. ఇద్దరి పరిస్థితి విషమంగా ఉన్నట్లు తెలుస్తోంది.

Also Read: