14 ఏళ్ల బాలికను లొంగదీసుకుని.. నీచం.. కోర్టు సీరియస్, సంచలన తీర్పు

బడికెళ్లే వయసు బాలిక మాయమాటలకు మోసపోయింది. తెలిసీ తెలియని వయసులోనే హద్దులు దాటింది. పుస్తకాలు మోయాల్సిన వయసులో గర్భం దాల్చింది. బిడ్డను ప్రసవించి పద్నాలుగేళ్లకే తల్లయింది. మైనర్ బాలికను నమ్మించి లొంగదీసుకుని గర్భవతిని చేసిన దుర్మార్గుడిపై కేసు నమోదైంది. పోక్సో చట్టం కింద కేసు నమోదు చేశారు పోలీసులు. కోర్టులో విచారణ జరిపిన జడ్జి బాలికపై అత్యాచారం చేసి తల్లిని చేయడాన్ని సీరియస్‌గా పరిగణించి సంచలన తీర్పు వెలువరించారు. ఇరవై ఏళ్ల జైలు శిక్ష విధిస్తూ తీర్పుచెప్పారు.

నిజామాబాద్ జిల్లా ఆర్మూర్ మండలం పెర్కిట్‌కి చెందిన వంశీక్రిష్ణ పద్నాలుగేళ్ల బాలికపై కన్నేశాడు. మాయమాటలతో ఆమెను వలలో వేసుకుని దారుణానికి ఒడిగట్టాడు. తెలిసీ తెలియని మైనర్ బాలికను లొంగదీసుకుని ఏడాదిగా కామకోరికలు తీర్చుకున్నాడు. మోసగాడి వలలో పడిపోయిన బాలిక దాల్చింది. పద్నాలుగేళ్లకే బాలిక తల్లయింది. మగబిడ్డను ప్రసవించింది. తన కూతురిపై అత్యాచారం చేసి గర్భం దాల్చేందుకు కారణమై వంశీక్రిష్ణపై బాధితురాలి తల్లి పోలీసులకు ఫిర్యాదు చేసింది. పోక్సో చట్టం కింద కేసు నమోదు చేసిన పోలీసులు విచారణ జరిపారు. న్యాయస్థానంలో నేరం రుజువు కావడంతో ముద్దాయికి 20 సంవత్సరాల శిక్ష విధిస్తూ న్యాయమూర్తి సంచలన తీర్పు చెప్పారు.

Also Read: