బాలిక ఆత్మహత్యాయత్నం కేసులో కీలక మలుపు.. యువకుడే కారణం!

నిజామాబాద్ నగరంలో మైనర్ బాలిక ఆత్మహత్యాయత్నం ఘటన కీలక మలుపునకు తిరిగింది. 17 ఏళ్ల ఓ బాలిక గత నెల 31న భవనంపై నుంచి దూకి ఆత్మహత్యాయత్నం చేసింది. తీవ్ర గాయాలపాలైన ఆమెను కుటుంబ సభ్యులు వెంటనే ఆస్పత్రికి తరలించారు. 14 రోజుల పాటు చికిత్స అనంతరం ఆ బాలిక ఇటీవలే కోలుకుంది. కోలుకున్న తర్వాత తాను ఆత్మహత్యకు పాల్పడటానికి గల కారణాన్ని కుటుంబసభ్యులకు తెలిపింది. అది విని ఆమె తల్లిదండ్రులు షాక్‌కు గురయ్యారు. తనపై ఓ యువకుడు పలుమార్లు అత్యాచారం చేశాడని, ప్రేమ పేరుతో మోసం చేశాడని ఆ మైనర్ బాలిక చెప్పింది. ఆమె తల్లిదండ్రులు వెంటనే పోలీసులకు ఫిర్యాదు చేశారు. వారి ఫిర్యాదు మేరకు పోలీసులు నిందితుడిపై పోక్సో చట్టం కింద కేసు నమోదు చేశారు. పరారీలో ఉన్న నిందితుడి కోసం గాలిస్తున్నారు.

Also Read:

✦ పెళ్లైన మర్నాడే రెండో పెళ్లి.. మొదటి భార్యతో పారిపోయిన వరుడు