Dichpally: ఆర్టీసీ సూపర్ లగ్జరీ బస్సు బోల్తా.. వెనుక నుంచి లారీ ఢీకొట్టడంతో

నిజామాబాద్ జిల్లా డిచ్‌పల్లిలో ఆర్టీసీ సూపర్ లగ్జరీ బస్సు బోల్తా పడిన ఘటనలో (RTC Bus Accident) పెను ప్రమాదం తప్పింది. ఒంగోలు నుంచి హైదరాబాద్ మీదుగా బోధన్ వెళ్తున్న ఆర్టీసీ సూపర్ లగ్జరీ బస్సును.. డిచ్‌పల్లి వద్ద నేషనల్ హైవేపై వెనుక నుంచి లారీ ఢీకొట్టింది. ఆ దాటికి బస్సు అదుపుతప్పి రహదారిపై బోల్తా పడింది. ఈ ప్రమాదంలో డ్రైవర్‌తో పాటు ఆరుగురు ప్రయాణికులు గాయపడ్డారు. గాయపడిన వారిని సమీపంలోని ఆస్పత్రికి తరలించి చికిత్స అందిస్తున్నారు.

ప్రమాదం నుంచి అందరూ సురక్షితంగా బయటపడటంతో అధికారులు ఊపిరి పీల్చుకున్నారు. ప్రమాదానికి సంబంధించిన సమాచారం అందుకున్న పోలీసులు.. ఘటనా స్థలానికి చేరుకొని సహాయక చర్యలు ప్రారంభించారు. ఘటనపై కేసు నమోదు చేసి దర్యాప్తు చేస్తున్నారు.