బాలుడినీ వదలని కీచక టీచర్.. బయటికి పొక్కకుండా మేనేజ్? తీవ్ర కలకలం

కామంతో కళ్లుమూసుకుపోతున్న దుర్మార్గులు స్కూల్ పిల్లలను కూడా వదలడం లేదు. మహిళలు, బాలికలపై అకృత్యాలతోనే అల్లాడిపోతుంటే బాలుడిని కూడా వదలని అత్యంత నీచమైన పరిస్థితులు దాపురించాయి. కార్పొరేట్ స్కూల్‌లో చదువుకుంటున్న బాలుడిపై టీచర్ లైంగిక దాడికి పాల్పడిన ఘటన నిజామాబాద్‌లో తీవ్ర కలకలం రేపింది. నగర శివార్లలోని ఓ ప్రైవేటు పాఠశాలలో చదువుతున్న బాలుడిపై అక్కడి వ్యాయామ ఉపాధ్యాయుడు లైంగిక దాడికి పాల్పడినట్లు తెలుస్తోంది.

ఆ విషయం బాలుడు తన తల్లిదండ్రులకు తెలియజేయడంతో విషయం బయటికి పొక్కింది. వెంటనే పాఠశాలకు వచ్చిన తల్లిదండ్రులు స్కూల్ యాజమాన్యాన్ని నిలదీసినట్లు తెలుస్తోంది. ఈ వ్యవహారం బయటకు రాకుండా తల్లిదండ్రులను పాఠశాల యాజమాన్యం మేనేజ్ చేసినట్లు ప్రచారం జరుగుతోంది. అయితే ఈరోజు ఉదయం ఐసీడీఎస్ అధికారులు, పోలీసులు పాఠశాలకు వచ్చి విచారణ జరపడం చర్చనీయాంశంగా మారింది. అయితే పాఠశాలలో అలాంటి సంఘటనలేవీ జరగలేదని పాఠశాల వర్గాలు చెబుతున్నాయి. బాలుడిపై లైంగిక దాడి జరిగిందన్న వ్యవహారం పట్టణంలో హాట్‌టాపిక్‌గా మారింది. విచారణాధికారులు ఉన్నతాధికారులకు నివేదిక ఇవ్వనున్నట్లు తెలుస్తోంది. పూర్తి వివరాలు తెలియాల్సి ఉంది.

Also Read: