దుబ్బాక ఎమ్మెల్యే రఘునందన్ రావును పోలీసులు అరెస్ట్ చేశారు. మల్లన్న సాగర్ ముంపు బాధితుడు మల్లారెడ్డి ఆత్మహత్య చేసుకున్న విషయం తెలిసిందే. ఇది స్థానికంగా పెద్ద చర్చనీయాంశం అయింది. దీంతో ఆయన మరణం ప్రభుత్వ హత్యేనని విపక్షాలు తీవ్ర విమర్శలు చేశాయి. ఈ ఘటన గురించి తెలుసుకున్న బీజేపీ దుబ్బాక ఎమ్మెల్యే రఘునందన్‌రావు మృతుడి కుటుంబ సభ్యులను పరామర్శించేందుకు బయలుదేరారు. దీంతో పోలీసులు ఆయన్ను అడ్డగించి తుక్కాపూర్ వద్ద అరెస్ట్ చేశారు. అనంతరం రాయపోల్ మండలంలోని బేగంపేట పోలీస్ స్టేషన్‌కు రఘునందన్ రావును తరలించారు.
తొగుట మండలంలోని వేములఘాట్‌ గ్రామానికి చెందిన మల్లారెడ్డి(70) భార్య గతంలోనే చనిపోవడంతో ఒంటరిగా ఉంటున్నాడు. అప్పుడప్పుడు మనవడు వచ్చి పలకరించి వెళ్తుండేవాడు. ఇటీవల మల్లన్నసాగర్ ప్రాజెక్టులో మల్లారెడ్డి ఇల్లు ముంపునకు గురైంది. ప్రాజెక్టు నిర్వాసితుల ప్యాకేజీ కింద డబుల్ బెడ్‌ రూం ఇంటికి దరఖాస్తు చేసుకున్నాడు. అధికారులు ఆయనకు ఇల్లు మంజూరు చేశారు.. కానీ ఒంటరి వ్యక్తి అని తెలియడంతో వెనక్కు తీసేసుకున్నారు.
అధికారులు ఇల్లు ఖాళీ చేయించడంతో మల్లారెడ్డి తీవ్ర మనస్థాపానికి గురయ్యాడు. చివరి రోజుల్లో గూడు చెదిరిపోవడంతో దిక్కుతోచని స్థితిలో దారుణ నిర్ణయం తీసుకున్నాడు. తన చితి తానే పేర్చుకుని అగ్నికి ఆహుతయ్యాడు. మంటల్లో కాలి బూడిదైపోయాడు.
తొగుట మండలంలోని వేములఘాట్‌ గ్రామానికి చెందిన మల్లారెడ్డి(70) భార్య గతంలోనే చనిపోవడంతో ఒంటరిగా ఉంటున్నాడు. అప్పుడప్పుడు మనవడు వచ్చి పలకరించి వెళ్తుండేవాడు. ఇటీవల మల్లన్నసాగర్ ప్రాజెక్టులో మల్లారెడ్డి ఇల్లు ముంపునకు గురైంది. ప్రాజెక్టు నిర్వాసితుల ప్యాకేజీ కింద డబుల్ బెడ్‌ రూం ఇంటికి దరఖాస్తు చేసుకున్నాడు. అధికారులు ఆయనకు ఇల్లు మంజూరు చేశారు.. కానీ ఒంటరి వ్యక్తి అని తెలియడంతో వెనక్కు తీసేసుకున్నారు.
అధికారులు ఇల్లు ఖాళీ చేయించడంతో మల్లారెడ్డి తీవ్ర మనస్థాపానికి గురయ్యాడు. చివరి రోజుల్లో గూడు చెదిరిపోవడంతో దిక్కుతోచని స్థితిలో దారుణ నిర్ణయం తీసుకున్నాడు. తన చితి తానే పేర్చుకుని అగ్నికి ఆహుతయ్యాడు. మంటల్లో కాలి బూడిదైపోయాడు.