మాజీ ఎమ్మెల్యే ముత్యం రెడ్డి కన్నుమూత.. అప్పట్లో సీఎం కోసం పదవి త్యాగం

రామాయంపేట మాజీ శాసన సభ్యుడు, మాజీ ఎమ్మెల్సీ, మాజీ జెడ్పి చైర్మన్ రాజయ్యగారి ముత్యం రెడ్డి కన్నుమూశారు. తెలంగాణ కాంగ్రెస్ వెటరన్, రామాయంపేట మాజీ శాసన సభ్యుడు రాజయ్యగారి ముత్యం రెడ్డి మృతిచెందారు. ఉమ్మడి మెదక్ జిల్లాకు జెడ్పీ చైర్మన్, శాసన మండలి సభ్యుడిగానూ పనిచేసిన ఆయన కొంతకాలంగా అనారోగ్యంతో బాధపడుతున్నారు. ఈ క్రమంలో సోమవారం ఉదయం తుదిశ్వాస విడిచారు.

ముత్యంరెడ్డి స్వస్థలం చిన్నశంకరం పేట మండలం కామారం గ్రామం. 1978 లో రామయంపేట ఎమ్మెల్యేగా కాంగ్రెస్ నుంచి ఎన్నికయ్యారు. 1980లో ముఖ్యమంత్రిగా ఉన్న టి.అంజయ్య కోసం ఎమ్మెల్యే పదవికి ముత్యంరెడ్డి రాజీనామా చేశారు. తర్వాతి కాలంలో ముత్యం రెడ్డి ఎమ్మెల్సీగా, జెడ్పీ చైర్మ్ గా ప్రజలకు సేవలందించగలిగారు.