తల్లి రెండో పెళ్లికి కొడుకు అడ్డు.. కూతురి కోసం అమ్మమ్మ.. ఘోరం

అల్లారుముద్దుగా పెంచుకోవాల్సిన మనవడిని సొంత అమ్మమ్మ కిరాతకంగా చంపేసిన అమానుష ఘటన వెలుగుచూసింది. కూతురికి మరో పెళ్లి చేసేందుకు మనవడు అడ్డుగా ఉన్నాడని ఘాతుకానికి తెగబడింది. మరొకరితో కలిసి దారుణంగా హతమార్చి చెరువులో పడేసింది. ఈ దారుణ ఘటన సంగారెడ్డిలో జిల్లాలో కలకలం రేపింది.

రెండేళ్ల బాలుడి అదృశ్యమైన ఘటన విషాదంగా ముగిసింది. సొంత అమ్మమ్మే చిన్నారిని అమానుషంగా హతమార్చినట్టు తేలింది. సంగారెడ్డికి చెందిన యశ్వంత్(2) గురువారం కనిపించకుండా పోయాడు. కుటుంబ సభ్యులు, స్థానికులు చుట్టుపక్కల గాలించినా ప్రయోజనం లేకపోయింది. ఈ రోజు అనూహ్యంగా సంగారెడ్డిలోని బిబ్బిలకుంట చెరువులో శవమై తేలాడు. విషయం తెలుసుకున్న పోలీసులు రంగంలోకి దిగడంతో దారుణ నిజాలు వెలుగుచూశాయి.

చిన్నారి యశ్వంత్ తండ్రి రెండేళ్ల కిందట మరణించాడు. భర్త చనిపోయిన కూతురుకి మరో పెళ్లి చేయాలని భావించిన అమ్మమ్మ.. అడ్డుగా ఉన్న మనవడిని కిరాతకంగా చంపేసి చెరువులో పడేసినట్లు పోలీసులు తేల్చారు. మరొకరి సాయంతో మనవడిని మట్టుబెట్టినట్లు గుర్తించిన పోలీసులు నిందితులను అరెస్టు చేశారు.

Also Read: