బాధతో ఊపిరాడకుండా చేసిన తాత.. ఊయలలోనే మనవడు.!

మనవడికి పచ్చకామెర్లు రావడంతో ఆస్పత్రిలో స్తోమతకు మించి వైద్యం చేయించాడు. అయినా మనవడు దక్కలేదు. ఆరోగ్యం విషమించి ప్రాణాలు కోల్పోయాడు. ఎప్పుడూ కొడుకుతో గొడవపడే కోడలు.. మనవడిని పట్టించుకోకపోవడంతోనే ఇలా జరిగిందని బాధపడేవాడు. కొద్దిరోజులకే కోడలు మరో బిడ్డకు జన్మనిచ్చింది. మనవడిని చూసి సంతోషపడాల్సిన తాత.. పసికందుని పురిట్లోనే చంపేశాడు. ఈ అత్యంత దారుణ ఘటన మెదక్ జిల్లాలో జరిగింది.

రేగోడు వడ్డెర బస్తీకి చెందిన లక్ష్మయ్య, పోచమ్మ భార్యాభర్తలు. వారికి ముగ్గురు కొడుకులు సంతానం. రెండో కుమారుడికి పచ్చకామెర్లు రావడంతో ఆస్పత్రిలో చూపించారు. మనవడి కోసం తాత వెంకట్ సుమారు రూ.40 వేలు ఖర్చు చేశాడు. అయినా మనవడు బతకలేదు. కోడలు సరిగ్గా పట్టించుకోకపోవడంతోనే మనవడు చనిపోయాడని బాధపడేవాడు. ఎప్పుడూ భర్తతో పోచమ్మ గొడవపడుతుండడంతో విసిగిపోయాడు.

కొద్దిరోజులకే గత ఫిబ్రవరిలో ఆమె మరో బిడ్డకు జన్మనిచ్చింది. పసికందుని కూడా కోడలు సరిగ్గా చూడదని.. పాలు పట్టదని భావించిన వెంకట్ దారుణానికి ఒడిగట్టాడు. శిశువును చంపేయాలని నిర్ణయించుకున్నాడు. ఈ నెల 2 వ తేదీన మద్యం తాగి ఇంటికి వచ్చిన వెంకట్.. ఊయలలో పడుకుని ఉన్న పసికందుని చూశాడు. కోడలు పోచమ్మ నిద్రిస్తుండగా చిన్నారిని అంతమొందించాడు. కోడలు పోచమ్మ ఫిర్యాదు మేరకు పోలీసులు కేసు నమోదు చేసి నిందితుడిని అరెస్టు చేశారు. నాలుగు రోజుల్లో కేసును ఛేదించి వెంకట్‌ని రిమాండ్‌కి తరలించారు.

Also Read: