రైలు కింద పడి ప్రేమజంట ఆత్మహత్య..

వికారాబాద్ జిల్లాలో విషాదకరమైన సంఘటన చోటు చేసుకుంది. ఓ ప్రేమజంట రైలు కింద పడి ఆత్మహత్య చేసుకుంది. వారిద్దరూ ఇంటర్ చదివే విద్యార్థులేనని పోలీసులు భావిస్తున్నారు. దీనిపై కేసు నమోదు చేసి దర్యాప్తు చేస్తున్నారు.

వివరాల్లోకి వెళ్తే.. నవాబ్ పేట్ మండలం కడ్చర్లకు చెందిన ఇంటర్మీడియట్ చదువుతున్న అబ్బాయి ఓ అమ్మాయిని ప్రేమించాడు. ఈ క్రమంలోనే వారి ప్రేమను పెద్దలకు చెప్పడంతో వారు అంగీకరించలేదు. దీంతో తీవ్ర మనస్తాపానికి గురైన ఆ ప్రేమ జంట గేట్ వనంపల్లి దగ్గర రైలు కింద పడి ఆత్మహత్య చేసుకుంది. సమాచారం అందుకున్న వెంటనే పోలీసులు సంఘటనా స్థలానికి చేరుకొని కేసు నమోదు చేసుకుని దర్యాప్తు చేస్తున్నారు. ఆ అమ్మాయి ఎవరనే దానిపై విచారణ జరుపుతున్నారు. ఆమె కూడా ఇంటర్ చదువుతోందని భావిస్తున్నారు. ఘటనకు సంబంధించిన పూర్తి వివరాలు తెలియాల్సి ఉంది.