వరంగల్ ఎంజీఎంలో మరణ మృదంగం.. ఒక్కరోజులో 27 మంది మృతి?

వరంగల్ జిల్లాలో కరోనా మహమ్మారి చెలరేగిపోతోంది. హైదరాబాద్‌ తర్వాత అత్యధిక కరోనా కేసులు, మరణాలు వరంగల్ జిల్లాలో నమోదవుతుండం ఆందోళన కలిగిస్తోంది. గాంధీ ఆస్పత్రికి పోటీగా ఎంజీఎం హాస్పిటల్‌లో మరణ మృదంగం కొనసాగుతోంది. ఎంజీఎంలో గడిచిన 21 గంటల వ్యవధిలోనే కరోనాతో 27 మంది ప్రాణాలు కోల్పోయినట్లు తెలుస్తోంది. దీంతో నగర ప్రజలు వణికిపోతున్నారు.గ్రేటర్ వరంగల్ మున్సిపల్ ఎన్నికల నేపథ్యంలో ఎన్నికల సిబ్బందిలో వణుకు మొదలైంది. ఎన్నికల నేపథ్యంలో కరోనా కేసులు మరింత పెరిగే అవకాశం కనిపిస్తోంది. రోజూ వేల సంఖ్యలో అనుమానితులు కోవిడ్ పరీక్షలు చేయించుకుంటుండగా వందల సంఖ్యలో పాజిటివ్ కేసులు నమోదవుతున్నాయి. ఆరోగ్య పరిస్థితి విషమించి వారందరినీ ఎంజీఎంకు తరలిస్తుండటంతో బెడ్లన్నీ నిండిపోతున్నాయి. చాలామంది విషమ పరిస్థితుల్లో వస్తుండటంతో వారిని కాపాడటం డాక్టర్లు సాధ్యం కావడం లేదు.