గోల్కొండ ఎక్స్‌ప్రెస్‌లో గలీజు పని.. చైన్ లాగేసి.. జంప్

గుంటూరు నుంచి సికింద్రాబాద్ వెళ్తున్న గోల్కొండ ఎక్స్‌ప్రెస్‌లో ఇద్దరు యువకులు గలీజు పనికి పాల్పడ్డారు. ట్రైన్‌లోనే గంజాయి తాగి మత్తులో వీరంగం సృష్టించారు. ఇద్దరి మధ్య ఘర్షణ జరగడంతో ఒకరిపై మరొకరు బ్లేడుతో దాడి చేసుకున్నారు. కాళ్లు, చేతులపై గాయాలై రక్తం కారుతుండడంతో ప్రయాణికులు భయాందోళనకు గురయ్యారు. వరంగల్ జిల్లా నెక్కొండ వద్ద ఈ ఘటన జరిగింది. అనంతరం ట్రైన్ చైన్ లాగి ఇద్దరూ అక్కడే దిగి పారిపోవడంతో ప్రయాణికులు ఊపిరి పీల్చుకున్నారు. దీంతో ట్రైన్ నెక్కొండలోనే అరగంటపాటు నిలిచిపోయింది. ఇద్దరు యువకులు ట్రైన్‌లో భిక్షాటన చేసేవారిగా పోలీసులు గుర్తించారు. గంజాయి మత్తులో గందరగోళం సృష్టించినట్లు భావిస్తున్నారు. రైల్వే పోలీసులు ఘటనపై వివరాలు సేకరిస్తున్నారు. అనంతరం ట్రైన్ బయలుదేరి సికింద్రాబాద్ వెళ్లిపోయింది.

Also Read: