Bathukamma Sarees: భలే మంచి మారుబేరం!! ఎగబడుతున్న జనం

కేసీఆర్ సర్కార్ పంపిణీ చేసిన బతుకమ్మ చీరల వ్యవహారం మరోమారు చర్చకొచ్చింది. చీరల నాణ్యత బాలేదని.. కట్టుకోడానికి ఏమాత్రం పనికిరావంటూ కొన్నిచోట్ల చీరలు తీసుకునేందుకు మహిళలు ముందుకు రాలేదు. మరికొన్ని చోట్ల ఈ చీరలు మాకొద్దంటూ ఛీ కొట్టి మరీ వెళ్లిపోయారు. కానీ ఇప్పుడు అదే చీరలకు గిరాకీ వచ్చింది. అయితే కట్టుకోవడానికి కాదు సుమా.. వెనక్కి తిరిగి ఇచ్చేసేందుకు!! మహిళలు ఎగబడి మరీ వెనక్కి ఇచ్చేస్తున్న ఆసక్తికర ఘటన వెలుగుచూసింది.

బతుకమ్మ చీరల నాణ్యతపై తెలంగాణ మహిళాలోకం నుంచి తీవ్ర అసంతృప్తి వ్యక్తమైంది. కట్టుకోవడానికి ఏమాత్రం పనికిరాని నాశిరకం చీరలను పంపిణీ చేశారంటూ తీవ్ర ఆగ్రహం వ్యక్తం చేశారు మహిళలు. కేసీఆర్ కూతురు గంటకో పట్టుచీర కడుతుంటే.. తమకేమో ఇల్లు తుడుచుకోవడానికి కూడా పనికిరాని చీరలిచ్చి మహిళల ఆత్మగౌరవాన్ని దెబ్బతీస్తున్నారంటూ మండిపడిన ఘటనలు కూడా జరిగాయి.

అయితే అదే బతుకమ్మ చీరలకు అనూహ్యంగా విపరీతమైన క్రేజ్ వచ్చి పడింది. ఎందుకూ పనికి రావనుకున్న చీరలకు డిమాండ్ వచ్చి పడింది. కేసీఆర్ చీరలకు ప్లాస్టిక్ టబ్బులు ఇస్తామంటూ ఇళ్ల వెంట ఓ మహిళ మారుబేరానికి రావడంతో మహిళలు ఎగబడ్డారు. ఆరు చీరలకు ఓ టబ్బు.. నాలుగు చీరలకు ఓ ప్లాస్టిక్ బక్కెట్ ఇస్తుండడంతో చీరలు తిరిగిచ్చేందుకు మహిళలు ఎగబడ్డారట. మహబూబాబాద్ జిల్లా నెక్కొండలో జరిగిన ఈ ఘటన అందరినీ అవాక్కయ్యేలా చేస్తోంది!!



Also Read: