జనగామ జిల్లాలో విషాదం.. పల్లె ప్రకృతి వనంలో ప్రేమ జంట ఆత్మహత్య

జనగామ జిల్లా పాలకుర్తి మండలం బీక్యానాయక్ తండాలో విషాదం చోటు చేసుకుంది. గ్రామ సమీపంలోని పల్లె ప్రకృతి వనంలో దీపిక, రాజు అనే ఇద్దరు ఆత్మహత్యకు పాల్పడ్డారు. మైనర్ అయిన బానోతు దీపికకు.. రాజు బలవంతంగా పురుగుల మందు తాగించి.. ఆ తర్వాత తాను కూడా తాగి ఆత్మహత్య చేసుకొని ఉంటాడని అనుమానిస్తున్నారు.

గుగులోతు రాజు గత మూడు నెలల క్రితం ప్రియాంక అనే మరో మైనర్ మృతికి కారణం అనే ఆరోపణలు వస్తున్నాయి. రాజు రాత్రి సమయంలో ఎవరూ చూడకుండా.. దీపికను ఊరు బయటకు తీసుకొచ్చి బలవంతంగా పురుగుల మందు తాగించి హత్యకు పాల్పడ్డాడని కుటుంబ సభ్యులు ఆరోపిస్తున్నారు. ఘటనా స్థలానికి చేరుకున్న పోలీసులు.. కేసు నమోదు చేసుకొని విచారణ ప్రారంభించారు.