వరంగల్ రైల్వే క్వార్టర్స్‌లో దారుణం.. భార్యను చంపేసి..

వరంగల్ జిల్లాలో దారుణ ఘటన చోటుచేసుకుంది. కట్టుకున్న భార్యను కిరాతకంగా హతమార్చాడో కసాయి భర్త. ఈ అమానుష ఘటన కాజీపేట రైల్వే క్వార్టర్స్‌లో జరిగింది. రైల్వే క్వార్టర్స్‌కి చెందిన మేకల శ్రీనివాస్, రమ దంపతులు. వారికి ఇద్దరు కుమారులు సంతానం. అనూహ్యంగా భార్య రమ భర్త చేతిలో దారుణ హత్యకు గురైంది. అతికిరాతకంగా ఆమె గొంతుకోసి చంపేశాడు దుర్మార్గుడు. హత్యానంతరం అక్కడి నుంచి పరారయ్యాడు. స్థానికులు గమనించి వెంటనే పోలీసులకు సమాచారం అందించారు. సంఘటన స్థలానికి చేరుకున్న పోలీసులు సంఘటన స్థలాన్ని పరిశీలించారు. స్థానికులను వివరాలు అడిగి తెలుసుకున్నారు. హత్యకు గల కారణాలు తెలియరాలేదు. పోలీసులు కేసు నమోదు చేసి దర్యాప్తు చేపట్టారు.

Also Read: