కీచక ఎస్సైకి షాక్.. ఉదయం అవార్డు, సాయంత్రం సస్పెండ్

ఉమ్మడి వరంగల్‌ జిల్లాలో కలకలం రేపిన ట్రైనీ మహిళా ఎస్సైపై అత్యాచార యత్నం కేసులో నిందితుడు ఎస్సై శ్రీనివాసరెడ్డిపై వేటు పడింది. కాబోయే ఎస్సైపై అత్యాచారయత్నం చేసిన కీచక ఎస్సైకి పోలీసు శాఖ షాకిచ్చింది. అయనను తక్షణం విధుల నుంచి తొలగిస్తూ మహబూబాబాద్ జిల్లా ఎస్పీ కోటిరెడ్డి ఆదేశాలిచ్చారు. శ్రీనివాసరెడ్డిపై సస్పెన్షన్ వేటు వేశారు. ఈ ఘటనపై విచారణ అనంతరం కఠిన చర్యలు తీసుకుంటామని ఆయన తెలియజేశారు.

మహబూబాబాద్ జిల్లాలోని మరిపెడ ఎస్సై శ్రీనివాస్‌రెడ్డి తనపై అత్యాచార యత్నం చేశాడని మహిళా ట్రైనీ ఎస్సై వరంగల్ సీపీ తరుణ్ జోషికి ఫిర్యాదు చేయడం సంచనలంగా మారింది. డ్యూటీ ఉందని చెప్పి కారులో అడవిలోకి తీసుకెళ్లి.. అసభ్యంగా తాకుతూ అత్యాచార యత్నం చేశాడని ఆమె ఫిర్యాదు చేయడంతో తీవ్ర కలకలం రేగింది. మహిళలను రక్షించాల్సిన పోలీసు శాఖలోనే లైంగిక వేధింపుల ఘటన బయటపడడంతో పోలీసు బాసులు సీరియస్‌గా తీసుకున్నట్లు తెలుస్తోంది.

వెంటనే ఎస్సై శ్రీనివాస రెడ్డిపై వెంటనే చర్యలకు ఉపక్రమించారు. అతన్ని విధుల నుంచి సస్పెండ్ చేస్తున్నట్లు ఎస్పీ తెలిపారు. అయితే లైంగిక వేధింపుల ఆరోపణలు ఎదుర్కొంటున్న ఎస్సై శ్రీనివాస రెడ్డి ఈ రోజు ఉదయమే జిల్లా ఎస్పీ నుంచి అవార్డు అందుకున్నట్లు తెలుస్తోంది. అవార్డు తీసుకుని గంటలు కూడా గడవక ముందే సస్పెన్షన్ వేటు పడడం గమనార్హం.

Also Read: లేడీ ఎస్సైపై ఖాకీ కీచకపర్వం.. అర్ధరాత్రి డ్యూటీకని తీసుకెళ్లి.. నీచం
Read Also: