ఆడపిల్ల పుట్టిందని.. కోడలికి పూలవర్షంతో అత్తింటి స్వాగతం

ఆడపిల్ల పుడితే చంపేస్తున్నారు. కడుపులో ఉన్నది ఆడబిడ్డ అని తెలిస్తే.. ఈ లోకంలోకి రాకముందే ప్రాణం తీస్తున్నారు. ఆడపిల్ల పుడితే భారంగా.. బాధగా భావించే ఈ సమాజంలో ఇప్పుడు కాస్త మార్పు వచ్చిందనే చెప్పాలి. అమ్మాయి అంటే సమాజంలో ఒక్కప్పుడు చిన్న చూపు ఉండేది. అమ్మాయి పుట్టిందని కన్నతల్లిని సూటి పోటీ మాటలతో హింసించే అత్తవారు కూడా లేకపోలేదు. ఆడపిల్లకు జన్మనిచ్చిందని భార్యను కూడా భర్త వదిలేసే సందర్భాలు కూడా ఎన్నో ఉన్నాయి. అలాంటి సమాజంలో కాస్త మార్పు వచ్చింది.

ఇవాళ ఆడపిల్లను కూడా మగాడితో సమానంగా పెంచుతున్నారు. ఇవాళ రోజులు మారాయి. ప్రభుత్వ సహకారంతో కూడా చాలామంది అమ్మాయిల్ని బాగా చదివిస్తున్నారు. అత్యున్నత ఉద్యోగాలు సాధించేలా తీర్చిదిద్దుతున్నారు. ఇవాళ మనం చూస్తే చాలా ప్రముఖ ఉద్యోగాలన్నింటిలో కూడా అమ్మాయిలు రాణిస్తున్నారు. సీఎం కేసీఆర్ పథకాల పాలనలో ఆడపిల్లను అదృష్టలక్ష్మిగా భావించి ఆడపిల్ల పుడితే అనందముగా ఉంటున్నారు ఓ దంపతులు. తమకు అమ్మాయి పుట్టిందన్న ఆనందాన్ని కాస్త వెరైటీతో తెలిపారు.

Read More: తెలంగాణ ఎమ్మెల్యేకు..వైసీపీ ఎమ్మెల్యే సీరియస్ వార్నింగ్

మహబూబాబాద్ జిల్లా కేసముద్రంలో ఈ ఘటన జరిగింది. కేసముద్రానికి చెందిన సవిన్,రమ్య అనే దంపతులకు కొద్దీ కాలం క్రితం వివాహం జరిగింది. వీరికి 3 నెలల క్రితం నమస్వి అనే కూతురు హైదరాబాద్ లో జన్మించింది.నిన్న కేసముద్రం లోని అత్తగారిఇంటికి రమ్య హైదరాబాద్ లోని తల్లి గారి ఇంటి నుండి వచ్చింది. దీంతో ఆడపిల్లకు జన్మనిచ్చిన రమ్యను,ఆ చిన్నారికి అత్త మామా,భర్త పులా వర్షం కురిపిస్తూ ఇంట్లో కి గ్రాండ్ గా వెల్ కం చెప్పారు. ఇది చూసిన ప్రజలు చాలా ఆనందం వ్యక్తం చేశారు.