మహబూబాబాద్ జిల్లాలో విషాదకర ఘటన చోటుచేసుకుంది. అదృష్టం బాగాలేకపోతే.. అరటి పండు చిన్న పన్ను విరిగిపోతుందన్న సామెత వినే ఉంటారు. అచ్చం అలాంటి ఘటనే ఇక్కడ కూడా జరిగింది. ఓ వృద్ధుడిని చిన్న మటన్ ముక్క పొట్టనబెట్టుకుంది. కొత్తగూడ మండలం కోనాపురానికి చెందిన కుంజ ముత్తయ్య అనే వృద్ధుడు.. మటన్ తింటుండగా గొంతులో ముక్క ఇరుక్కొని ఊహిరాడక మృతి చెందాడు. గురువారం రోజున ముత్తయ్య తన కుమారుడితో కలిసి మటన్ కూరతో భోజనం చేశాడు. తింటున్న క్రమంలో ఓ మటన్ ముక్క ముత్తయ్య గొంతులో ఇరుక్కుపోయింది. దీంతో.. ముత్తయ్యకు ఊపిరి తీసుకోవటం కష్టమైపోయింది. ఎంత ప్రయత్నించినా.. అటు కిందికి వెళ్లగా.. ఇటు బయటకు రాకపోవటంతో.. ఊపిరాడక గిలగిలా కొట్టుకున్న ముత్తయ్య అక్కడికక్కడే ప్రాణాలు వదిలేశాడు. అయితే.. ముత్తయ్య గతంలో జనశక్తి పార్టీ మూడు జిల్లాల డిప్యూటీ దళ కామాండర్‌గా పని చేశాడు.
- Read More Telangana News And Telugu News