కొడుకు చేసిన పనికి.. తల్లిదండ్రుల ఆత్మహత్య

రోజురోజుకు ఆత్మహత్యలు చేసుకుంటున్న వారి సంఖ్య పెరిగిపోతుంది. కొందరు చిన్న చిన్న కారణాలకే ఆత్మహత్యలకు పాల్పడుతున్నారు. తాజాగా ఓ తల్లిదండ్రులు బలవన్మరణానికి పాల్పడ్డారు. ఈ విషాదకరమైన ఘటన వరంగల్ జిల్లా కరీమాబాద్‌లో చోటుచేసుకుంది. కుమారుడు రూ.20 లక్షల అప్పు చేశాడనీ తల్లిదండ్రులు తీవ్ర మనోవేదనకు గురయ్యారు.

దీంతో తీవ్ర మనస్థాపం చెందిన భాస్కర్ రెడ్డి, విజయ దంపతులు ఒంటిపై పెట్రోల్ పోసుకొని నిప్పంటించుకున్నారు. విషయం తెలుసుకున్న పోలీసులు ఘటనా స్థలానికి చేరుకున్నారు. అప్పుల బాధతోనే ఆత్మహత్య చేసుకున్నట్టు నిర్ధారించారు. అనంతరం కేసు నమోదు చేసుకొని దర్యాప్తు ప్రారంభించారు. పూర్తి వివరాలు తెలియాల్సి ఉంది.