రైలు వస్తోందని గేటు వేసినందుకు ఓ యువకుడు హల్‌చల్ చేశాడు. మద్యం మత్తులో గేటు తీసేందుకు ప్రయత్నించడమే కాకుండా అడ్డుకోబోయిన గేట్‌మ్యాన్‌పై దాడి చేసి కొట్టాడు.
Samayam Telugu16 Oct 2021, 8:29 pm
హన్మకొండ జిల్లాలో ఓ యువకుడు మద్యం మత్తులో రెచ్చిపోయాడు. రైలు వస్తోందని గేటు వేసినందుకు కండకావరం ప్రదర్శించాడు. గేటు తీయాలంటూ దౌర్జన్యం చేయడమే కాకుండా గేట్‌మ్యాన్‌ని బూటుకాలితో తన్ని అవమానపరిచాడు. ఈ షాకింగ్ ఘటన శాయంపేట ఎల్‌సీ నంబర్ 61 గేటు వద్ద జరిగింది. రైలు వచ్చే సమయం కావడంతో గేట్మ్యాన్ రాజు రైలు గేటు వేశాడు. అదే సమయంలో వచ్చిన ఓ యువకుడు మద్యం మత్తులో వీరంగం సృష్టించాడు. గేటు తీయమంటూ గేట్‌మ్యాన్‌పై దౌర్జన్యానికి దిగాడు. రైలు పట్టాలపై అటూఇటూ తిరుగుతూ హల్‌చల్ చేశాడు. అంతటితో ఆగని తాగుబోతు గేటు తెరిచేందుకు ప్రయత్నం చేశాడు. అడ్డుకోబోయిన గేట్మ్యాన్ రాజుపై దాడి చేశాడు. బూటుకాలితో తన్నిన దృశ్యాలు రికార్డయ్యాయి. రాజు ఆగ్రహంతో ప్రతిఘటించే ప్రయత్నం చేయగా స్థానికులు అడ్డుకున్నారు. దీంతో కొద్దిసేపు ఉద్రిక్తత ఏర్పడింది. ఘటనపై రైల్వే పోలీసులు కేసు నమోదు చేసి దర్యాప్తు చేపట్టారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
