వరంగల్‌లో విషాదం.. వేధింపులతో యువతి ఆత్మహత్య

వరంగల్ జిల్లాలో విషాద ఘటన చోటుచేసుకుంది. యువకుడి వేధింపులు భరించలేక యువతి ఆత్మహత్య చేసుకుంది. వివారాల్లోకి వెళ్తే ఆత్మకూరు పోలీస్ స్టేషన్ పరిధిలోని కొత్తపేటలో ఇసంపల్లి రాజేష్ అనే యువకుడు... అదే గ్రామానికి చెందిన అర్చన అనే యువతి వెంట పడ్డాడు. ఆమెను గత ఆరు నెలలుగా ప్రేమ పేరుతో వేధింపులకు గురి చేశాడు. దీంతో ఆ వేధింపులు భరించలేకే అర్చన ఉరి వేసుకొని ఆత్మహత్యకు యత్నించిందని ఆమె కుటుంబ సభ్యులు ఆరోపిస్తున్నారు.

అర్చన ఆత్మహత్యకు పాల్పడటం చూసిన ఆమె సోదరుడు హుటాహుటిన ఆమెను ఎంజీఎం ఆస్పత్రికి తరలించినట్లు చెప్పారు. చికిత్స పొందుతూ అర్చన మృతి చెందింది. మృతురాలి తండ్రి ఫిర్యాదుతో కేసు నమోదు చేసి దర్యాప్తు చేస్తున్నట్లు ఎస్సై రాజబాబు తెలిపారు. కేసు నమోదు చేసిన పోలీసులు యువకుడ్ని కూడా విచారించే పనిలో పడ్డారు.