పతంగి ఎగరేస్తూ మైమరచిన యువతి.. అమాంతం.!

సంక్రాంతి పండగంటేనే రంగురంగుల ముగ్గులు.. గొబ్బెమ్మలు.. డూడూబసవన్నల సందళ్లు.. పతంగుల రెపరెపలు. ఇక చిన్నారుల ఉత్సాహానికి అవధులుంటాయా.! పండుగ వేళ పతంగులు ఎగరేసేందుకు చిన్నారులు, యువతీయువకులు అమితమైన ఆసక్తి చూపుతారు. అయితే ఆ హడావిడిలో పడి ప్రమాదాలను కొనితెచ్చుకునే సందర్భాలూ లేకపోలేదు. అలాంటి ఓ ఘటన తెలంగాణలోని జనగాంలో వెలుగుచూసింది. పతంగా ఎగరేస్తూ ఓ టీనేజ్ యువతి ప్రాణాల మీదకు తెచ్చుకుంది. చావుతప్పి కన్నులొట్టపోయినంత పనైంది.


జనగామకి చెందిన ఓ టీనేజ్ యువతి భవనంపై నుంచి గాలిపటం ఎగరేసింది. ఉత్సాహంగా అటూఇటూ తిప్పుతూ ఎంజాయ్ చేసింది. ఇంతలో ఊహించని ప్రమాదం చోటుచేసుకుంది. పతంగి ఎగరేసే ఉత్సాహంతో తానున్నది బిల్డింగ్‌ పైన అనే విషయం యువతి మర్చిపోయింది. ఒక్కో అడుగూ వెనక్కి వేసుకుంటూ వచ్చి భవనం పైనుంచి అమాంతం పడిపోయింది. అయితే అదే సమయంలో అక్కడ ఓ ఆటో నిలిపి ఉండడంతో దానిపై పడింది. ఆటో అద్దం పూర్తిగా ధ్వంసమైంది. అది టాప్‌టెస్ ఆటో కావడంతో గాయాలతో బయటపడింది. చేతికి మాత్రమే గాయాలయ్యాయి. స్థానికులు గుర్తించి వెంటనే ఆమెను ఆస్పత్రికి తరలించారు. పూర్తి వివరాలు తెలియాల్సి ఉంది.

Also Read: