జోక్: ఇలాంటి ఫ్రెండ్స్ మీకూ ఉన్నారా?

రాము ఇంటికి ఆలస్యంగా వెళ్లాడు. తండ్రి ‘‘ఏరా ఇంత ఆలస్యంగా వచ్చావ్’’ అని అడిగారు.
‘‘కంబైండ్ స్టడీస్ నాన్న. ఫ్రెండ్స్‌తో కలిసి చదువుకుంటున్నా’’ అని రాము సమాధానం ఇచ్చాడు.
‘‘అయితే, ఉండు మీ ఫ్రెండ్స్‌కు ఫోన్ చేస్తా’’ అని రాము బెస్ట్ ఫ్రెండ్సయిన నలుగురికి ఫోన్లు చేశారు.
మొదటి ఇద్దరూ.. ‘‘అవును అంకుల్ ఇప్పటివరకు మా ఇంట్లోనే ఉన్నాడు’’ అని చెప్పారు.
మూడోవాడు ‘‘ఇక్కడే ఉన్నాడు అంకుల్ చదువుకుంటున్నాడు. ఫోన్ ఇవ్వమంటారా?’’ అన్నాడు.
నాలుగోవాడు.. ‘‘చెప్పండి నాన్నగారు.. నేను రామును మాట్లాడుతున్నా, ఎందుకు ఫోన్ చేశారు చెప్పండి’’ అని అడిగాడు.
ఇంకేముంది.. ఆ తర్వాత సీను మీకు తెలిసిందే.