బీజేపీలోకి సన్నీ డియోల్.. ట్విట్టర్‌లో ఓ రేంజ్‌లో పేలుతున్న జోకులు!

బాలీవుడ్‌ సీనియర్‌ నటుడు సన్నీ డియోల్‌ మంగళవారం (ఏప్రిల్ 23న) బీజేపీలో చేరారు. కేంద్ర మంత్రులు నిర్మలా సీతారామన్‌, పియుష్‌ గోయల్‌ సమక్షంలో ఆయన బీజేపీ కండువా కప్పుకున్నారు. అప్పట్లో తన తండ్రి మాజీ ప్రధాని అటల్ బిహారి వాజ్‌పేయికి మద్దతిచ్చారని, కాగా నేడు తాను ప్రధాని నరేంద్ర మోదీతో కలిసి పనిచేయాలనుకుంటున్నాని సన్నీ డియోల్ పేర్కొన్నారు.

మరోవైపు పంజాబ్‌లో బీజేపీలో పోటీ చేసే అవకాశం ఉన్న స్థానాల్లో ఒకటైన గురుదాస్‌పూర్‌ లోక్‌సభ నియోజకవర్గం నుంచి ఆయన పోటీ చేసే అవకాశముందని పార్టీ వర్గాలు చెబుతున్నాయి. అయితే సన్నీ డియోలో బీజేపీలో చేరికపై ట్విట్టర్‌లో జోకులు పేలుతున్నాయి.

బీజేపీ ఇప్పుడు 2X2.5 కిలోల బరువు పెరిగిందని ఓ నెటిజన్ కామెంట్ చేశారు.

గతంలో కాంగ్రెస్ అభ్యర్థి ప్రశాంత్ పటేల్‌ తరఫున సన్నీ డియోల్ ప్రచారం చేస్తున్న ఫొటోలను షేర్ చేస్తూ సెటైర్లు పేలుస్తున్నారు.

తర్వాతి సర్జికల్ దాడులు సన్నీ డియోల్ చేయబోతున్నారని, భారత సరిహద్దులో ఎఫ్16 తలలు ఉంటాయని ట్వీట్లు చేస్తున్నారు.

సన్నీ డియోల్ భూగర్భ జలాలశాఖ మంత్రి అవుతారని కామెంట్లు వైరల్ అవుతున్నాయి.