ఇండియాకు రానున్న మాల్య, షాకింగ్ షరతులు!

లండన్‌లో తలదాచుకున్న వ్యాపారవేత్త విజయ్ మాల్య ఎట్టకేలకు ఇండియాకు వచ్చేందుకు అంగీకరించారు. అయితే, ఇందుకు ఆయన పెట్టిన షరతు వింటే తప్పకుండా షాక్‌కు గురవ్వుతారు. ‘‘ఇదేం విడ్డూరం? ఆశకైనా హద్దు ఉండాలి. గత 9 ఏళ్లలో సాధ్యం కానిది ఇప్పుడేలా అవుతుంది? కొంచెమైనా బుద్ధి ఉండాలి’’ అని తిట్టి పోస్తారు. ఇండియాకు రావడం ఇష్టంలేకే మల్యా ఈ షరతు పెట్టాడనిపిస్తుంది. చివరికి ప్రభుత్వం కూడా ఈ షరతు విని తలపట్టుకుంటోంది.

ప్రస్తుతం ఐపీఎల్ సీజన్ నడుస్తున్న నేపథ్యంలో విజయ్ మాల్యకు ఓ ఐడియా వచ్చింది. తన ఐపీఎల్ జట్టు రాయల్ ఛాలెంజ్ బెంగళూరు (RCB) కనుక ఈ ఐపీఎల్‌లో ఛాంపియన్‌గా నిలిస్తే ఇండియాకు వచ్చి లొంగిపోతా అని ప్రకటించాడు. అద్వానీ ప్రధానమంత్రి కావడం ఎంత సాధ్యమో... ఆర్సీబీ ఐపీఎల్ ట్రోపీ గెలవడం కూడా అంతే సాధ్యమని క్రికెట్ ప్రేమికులు ఇప్పటికే డిసైడ్ అయిపోయారు. ఈ షరతుతో మాల్య తన టీమ్‌ను ఎంకరేజ్ చేస్తున్నాడా? లేదా.. ఇలాగే ఆడి తనను ఇండియాకు రాకుండా అడ్డుకోండని హింట్ ఇస్తున్నాడా అనే అనుమానాలు వ్యక్తం అవుతున్నాయి.