Jagan Sharmila Ring Theft: షర్మిల రింగుపై పేలుతున్న జోకులు!

తొలుత ప్రజాశాంతి పార్టీ అధ్యక్షుడు కేఏ పాల్‌ మెడలో దండ తీస్తున్నట్లుగా నటించి ఆయన చైన్ కొట్టేసిన వీడియో వైరల్ అయింది. ఇటీవల వైసీపీ అధినేత వైఎస్ జగన్ మోహన్ రెడ్డి సోదరి షర్మిల ప్రచారంలో ఆమె వేలి ఉంగరాన్ని కొట్టేసే ప్రయత్నం జరగడం తెలిసిందే.

అదంతా ఎన్నికల్లో ఓటర్లను ఆకర్షించి ప్రచారం చేసుకోవడమేనని రాకేష్ లింగ అనే నెటిజన్ పోస్ట్ చేశాడు. పబ్లిసిటీలో చెల్లి.. మనల్నే మించిపోయిందని విజయసాయిరెడ్డి పార్టీ అధినేత జగన్‌తో చెబుతున్నట్లుగా ఉన్న కార్టూన్‌ను షేర్ చేయగా అది వైరల్ అవుతోంది. క్లిప్పు ఓసారి, రింగు ఓ సారి, చెప్పులోసారి.. కొట్టేయాలి అని షర్మిల చెబుతున్నట్లుగా ఉన్న ఆ సోషల్ మీడియా పోస్ట్‌కు లైక్స్, కామెంట్లు చేస్తున్నారు. వైసీపీ ప్లాన్ ప్రకారం చేసిందన్నట్లుగా టీడీపీ వర్గీయులు ఆరోపిస్తున్నారు.

కాగా, ఇటీవల ప్రచారంలో భాగంగా కార్యకర్తల ఉత్సాహం చూసి బస్సు నుంచే ఆమె షేక్ హ్యాండ్ ఇస్తూ సాగుతుండగా.. ఓ గుర్తుతెలియని వ్యక్తి షర్మిల వేలికి ఉన్న ఉంగరాన్ని కొట్టేసే ప్రయత్నం చేసిన విషయం తెలిసిందే. అప్రమత్తమైన షర్మిల.. తన చేతిని వెనక్కు లాక్కున్నారు. ఉంగరం కాస్త బిగుతుగా ఉండటంతో వేలు నుంచి రాలేదు. వీడియో మాత్రం వైరల్‌గా మారింది.
Read: YSRCP ప్రచారంలో దొంగలు.. షర్మిల ఉంగరం చోరీకి ప్రయత్నం