బిగ్‌బాస్ హౌస్‌లో ఓవర్ యాక్షన్ డోస్!

విపరీతమైన జాలి, భరించలేనంత ప్రేమ, కనిపించనంత కన్నింగు, బీభత్సమైన నటన... ఇలా నవరసాలు చూడాలని ఉందా? అయితే, ఈ వారం బిగ్‌బాస్ మిస్ కాకుండా చూడాల్సిందే. ఎందుకంటే.. ఇప్పటి వరకు తోటి సభ్యులను ఎలిమినేట్ చేయడంలో బిజీగా ఉన్న సభ్యులు ఇప్పుడు.. తమని తాము ప్రమోట్ చేసుకుని ఓట్లు పొందాల్సి ఉంటుంది. దీంతో, బిగ్‌బాస్ సభ్యులు వినోదంతో ఆకట్టుకునేందుకు ప్రయత్నాలు ఆరంభించారు.

సోమవారం ఎపిసోడ్ చూసిన ప్రేక్షకులు.. ‘‘బిగ్‌బాస్.. ఏమిటీ వీళ్ల ఓవర్ యాక్షన్’’ అంటూ తలలు పట్టుకుంటున్నారు. అందుకే, మంగళవారం ఎపిసోడ్‌లో హౌస్ సభ్యులను చిక్కుల్లో పెట్టే టాస్క్ సిద్ధం చేశాడు బిగ్‌బాస్. సోమవారం ఎపిసోడ్‌లో సభ్యుల తీరు చూసిన ప్రేక్షకులు ‘‘అబ్బో ఎంత మార్పు’’ అని నోరు వెళ్లబెట్టారు.

ఆఖరి వారం సందర్భంగా ప్రేక్షకులను సృజనాత్మకంగా ఓట్లు అడగాలని బిగ్‌బాస్ కోరాడు. ఇందులో ఆదర్శ్, నవదీప్, శివ బాలాజీ పర్వాలేదనిపించినా.. అర్చనా, హరితేజాలు మాత్రం బోర్ కొట్టించారనే అభిప్రాయం వ్యక్తమైంది. మంచి ప్రతిభతో ఆకట్టుకుంటున్న హరితేజా.. కాస్త ఓవర్ యాక్షన్ తగ్గిస్తే మంచిదని సోషల్ మీడియాలో కామెంట్ల వర్షం కురుస్తోంది.

ఇక అర్చనపై దారుణమైన కామెంట్లు వస్తున్నాయి. అసలు, అర్చనాకు ఎవరు ఓటేస్తున్నారని కూడా ప్రశ్నిస్తున్నారు. ఆమె దీక్షను ఏడిపించడంతోనే సగం రోజులు గడిపేసిందని, ఒకే విషయాన్ని సాగదీస్తూ చంపేస్తుందని అంటున్నారు. అర్చనను కాపాడేందుకు.. హౌస్‌మేట్స్ అంతా దీక్షను టార్గెట్ చేసుకున్నారనే అభిప్రాయం కూడా వ్యక్తమవుతోంది. వారిని ఎదుర్కోవడంలో దీక్ష కూడా ఫెయిల్యూర్ అయ్యిందని, అతిగా స్పందిస్తూ.. గంటకో మాట మాట్లాడుతూ విసుగు తెప్పించిందని పలువురు వ్యాఖ్యానిస్తున్నారు. అర్చనా - దీక్షాలు ఎదురుపడితే చానెల్ మార్చేసేవాళ్లమని, దీక్ష వెళ్లిపోవడం మంచిదైందని పలువురు అంటున్నారు.

బిగ్‌బాస్‌ హౌస్‌మేట్స్‌పై వస్తున్న పలు కామెంట్లు ఇక్కడ చూడొచ్చు..




#HariTeja acting.. pic.twitter.com/IgZ77AMeAX — raja (@rajarktweets) September 12, 2017
లీడింగ్‌లో ఆదర్శ్..

ఓ ఆన్‌లైన్‌ పోల్‌ వివరాల ప్రకారం.. ఐదుగురు సభ్యుల్లో ఆదర్శ్ ప్రేక్షకులను ఆకట్టుకుంటున్నాడు. అతని తర్వాత శివ బాలాజీ, హరితేజ ఉన్నారు. నవదీప్‌కు కూడా కాస్త ఫర్వాలేదని అనిపిస్తున్నాడు. అర్చనకు మాత్రం చాలా తక్కువ ఓట్లు వస్తున్నాయి. అయితే, ఈ వారం రోజులు బిగ్‌బాస్‌లో జరిగే తతంగం బట్టి ఓట్లలో వ్యత్యాసం కనపడవచ్చు. ప్రేక్షకులను ఆకట్టుకునే క్రమంలో సభ్యులు చేసే ఓవర యాక్షన్ కూడా వినోదం పంచే అవకాశాలున్నాయి. ప్రస్తుతం చాలా మంచి స్నేహితులుగా కనిపిస్తున్న ఆ ఐదుగురు సభ్యులు చివరి రోజుకు శత్రువులుగా మారిపోయినా ఆశ్చర్యపోవక్కర్లేదు.

బిగ్‌బాస్ సభ్యులకు ఓటేసేందుకు ఇక్కడ క్లిక్ చేయండి