Laal Singh Chaddha: మూడేళ్లు కష్టపడ్డాం.. ఇలా చేయకండి: కరీనా కపూర్ రిక్వెస్ట్

ఆమిర్‌ఖాన్‌ (Aamir Khan), క‌రీనా క‌పూర్ (Kareena Kapoor) జంటగా తెరకెక్కిన మూవీ లాల్ సింగ్ చడ్డా (Laal Singh Chaddha). ఆగస్టు 11న ఆడియన్స్ ముందుకు వచ్చిన ఈ మూవీ.. బాక్సాఫీసు వద్ద నిరాశపర్చింది. హాలీవుడ్ మూవీ 'ఫారెస్ట్ గంప్'కి రీమేక్‌గా వచ్చిన ఈ మూవీ కలెక్షన్స్ భారీగా పడిపోయాయి. అద్వైత్ చందన్ (Advait Chandan) దర్శకత్వం వహించగా.. అక్కినేని నాగ చైత‌న్య (Naga Chaitanya) కీలక పాత్రలో నటించాడు. ఈ మూవీ విడుదలకు ముందు నుంచే బాయ్‌కట్‌ లాల్‌ సింగ్‌చడ్డా (Boycott Laal Singh Chaddha) అంటూ కొందరు నెగిటివ్ ప్రచారం మొదలు పెట్టారు.

ఈ మూవీ కలెక్షన్లు తగ్గిపోవడంతో హీరోయిన్ క‌రీనా క‌పూర్ స్పందించారు. ఓ ఇంటర్వ్యూలో ఆమె మాట్లాడుతూ.. తమ సినిమాను కొందరు కావాలని టార్గెట్‌ చేశారని చెప్పారు. మొత్తం ఆడియన్స్‌లో ఒక శాతం ప్రేక్షకులు ఈ సినిమాను ట్రోల్ చేస్తున్నారని అన్నారు. లాల్ సింగ్ చడ్డా మూవీని బహిష్కరిస్తే.. ఓ మంచి సినిమాను ప్రేక్షకులకు దూరం చేసిన వారవుతారన్నారు. దాదాపు మూడేళ్లు ఈ సినిమా కోసం కష్టపడ్డామని.. దయచేసి బాయ్‌కాట్ చేయకండని రిక్వెస్ట్ చేశారు.

కాగా ఈ మూవీ విడుదలకు ముందుగా కరీనా కపూర్.. బాయ్‌కాట్ లాల్ సింగ్ చడ్డా అంటూ చేసిన ప్రచారం భిన్నంగా స్పందించారు. ప్రతి ఒక్కరికి ఓ అభిప్రాయం ఉంటుందని.. ఒక మంచి చిత్రం ఇలాంటి వాటిని అధికమించి విజయం సాధిస్తుందని ధీమా వ్యక్తం చేశారు. తీరా మూవీ రిజల్ట్ వచ్చాక.. బహిష్కరించకండి అంటూ కోరుతున్నారు. కరీనా కపూర్‌కు నటి విజయశాంతి కౌంటర్ కూడా ఇచ్చారు. తన సినిమాలు చూస్తే చూడండి.. లేకుంటే లేదన్న లాల్ సింగ్ హీరోయిన్ కరీనా కపూర్ వ్యాఖ్యల్లోని అహంకారాన్ని ప్రజలు అర్థం చేసుకున్నారని అన్నారు. ప్రజలను అమాయకులుగా భావించి ఇష్టమొచ్చిన వ్యాఖ్యలు చేస్తే.. ఫలితాలు ఇలాగే ఉంటాయని గ్రహించాలని రాములమ్మ హితవు పలికారు.