Actress Radhika Apte Says After Badlapur She Was Offered Only Sex Comedies
నాకు సెక్స్ సినిమా ఛాన్సులు ఎక్కువయ్యాయ్: రాధికా ఆప్టే
ఒక సినిమాలో ఏదన్నా క్యారెక్టర్ హిట్ అయితే నటీనటులకు అలాంటి పాత్రలనే ఇస్తుంటారు దర్శకులు. అలా తాను నటించిన రెండు సినిమాల్లో సెక్స్ సన్నివేశాలు ఉన్న పాత్రల్లో నటించినందుకు కేవలం సెక్స్ కామెడీ సినిమాల్లో నటించే అవకాశాలు మాత్రమే ఇచ్చేవారని వెల్లడించారు బాలీవుడ్ నటి రాధికా ఆప్టే. దాంతో అలాంటి సినిమాలకు నో చెప్తున్నానని అన్నారు.
Samayam Telugu3 Dec 2019, 10:38 am
ఒక సినిమాలో ఏదన్నా క్యారెక్టర్ హిట్ అయితే నటీనటులకు అలాంటి పాత్రలనే ఇస్తుంటారు దర్శకులు. అలా తాను నటించిన రెండు సినిమాల్లో సెక్స్ సన్నివేశాలు ఉన్న పాత్రల్లో నటించినందుకు కేవలం సెక్స్ కామెడీ సినిమాల్లో నటించే అవకాశాలు మాత్రమే ఇచ్చేవారని వెల్లడించారు బాలీవుడ్ నటి రాధికా ఆప్టే. దాంతో అలాంటి సినిమాలకు నో చెప్తున్నానని అన్నారు.
బట్టలిప్పే సన్నివేశంలో నటించా
2015లో వచ్చిన ‘బద్లాపూర్’ అనే సినిమాలో నటించాను. ఇందులో నాది చిన్న పాత్రే. ఓ వ్యక్తి నన్ను రేప్ చేసి చంపడానికి వస్తాడు. నా దుస్తులు విప్పేయమంటాడు. దాంతో నేను సినిమాలో వేశ్య పాత్రలో నటించానేమోనని చాలా మంది అనుకున్నారు. ఆ తర్వాత ‘అహల్య’ అనే షార్ట్ఫిలింలో నటించాను. అందులో కూడా కొన్ని సెక్స్ నేపథ్యంలో సాగే సన్నివేశాలు ఉంటాయి. దాంతో నాకు సెక్స్ కామెడీ సినిమాల్లో మాత్రమే అవకాశాలు వచ్చేవి.
మీరు చేసేది సెక్స్ సినిమాలే కదా అన్నారు
ఓసారి కథ చెప్పడానికి ఓ దర్శకుడు నా వద్దకు వచ్చాడు. ఇందులో నాది వేశ్య పాత్ర అని చెప్పాడు. అదేంటి అని అడిగితే.. ‘మీరు నటించిన బద్లాపూర్, అహల్య సినిమాల్లో మీరు దుస్తులిప్పేసి అలాంటి పాత్రల్లోనే నటించారు కదా. వరుసగా అవే పాత్రల్లో నటిస్తున్నారు కదా’ అన్నాడు. దాంతో నేను షాక్ అయ్యాను. ఇలాంటి పాత్రల్లో నేను అస్సలు నటించను అని చెప్పేశాను. అలా చాలా సినిమాలకు నో చెప్పేశాను. ఇది నా కెరీర్కు మంచి చేస్తుందో చెడు చేస్తుందో తెలీదు.
రేప్ సీన్లతో సినిమా అంటూ మరొకరు వచ్చారు.
దేశంలో జరుగుతున్న ఘోర అత్యాచారాల నేపథ్యంలో సినిమా తీస్తానని ఓ దర్శకుడు నా వద్దకు వచ్చాడు. ఇందులో నాది ప్రధాన పాత్ర అని చెప్పాడు. ఓ మహిళ తనపై అత్యాచారం చేసిన వారిపై పగ తీర్చుకునేందుకు ఆమె కూడా రేపిస్ట్గానే మారిపోతుందట. కానీ ఇలా చేయడం తప్పు అన్న మెసేజ్ని కూడా సినిమాలో చూపిస్తే బాగుంటుంది కదా అని చెప్పాను. ఇందులో అమ్మాయే అబ్బాయి అని చెప్పాడు. అలాంటి సినిమా తీయాల్సిన అవసరం లేదు కదా అన్నాను. ఇలా డిస్టర్బింగ్గా అనిపించే ఎన్నో కథలు నా దగ్గరకు వచ్చాయి. కానీ అలాంటి కథలను వేరే వాళ్లతో తీసి అదో గొప్ప విషయంగా చెప్పుకుంటున్నారు.
అందులో ఏకంగా నగ్నంగా చూపించేశారు
హాలీవుడ్ నటుడు దేవ్ పటేల్తో కలిసి ‘వెడ్డింగ్ గెస్ట్’ అనే సినిమా చేశాను. ఇందులో నేను, దేవ్ సెక్స్ చేసుకునే సన్నివేశాలు ఉన్నాయి. ఇందులో ఏకంగా నా వక్షోజాలు, ఇతర ప్రైవేట్ పార్ట్స్ కూడా చూపించేశారు. దాంతో నేను కేవలం సెక్స్ సన్నివేశాలు ఉన్న పాత్రల్లోనే నటిస్తానని చాలా మంది అనుకున్నారు. అలాంటి కథలను నేను అస్సలు ఒప్పుకోను. ఒకవేళ ఒప్పుకున్నా కూడా అందులో ఏదన్నా స్ట్రాంగ్ పాయింట్ ఉండాలి. అవేమీ లేకుండా ఏదో ఆడియన్స్ను టెంప్ట్ చేద్దామని సెక్స్ సన్నివేశాలను చూపించడం కరెక్ట్ కాదు. సమాజంలో మార్పులు తెచ్చే కథలు చాలా ఉన్నాయి. అలాంటివాటిని వాడుకుని సినిమాలు తీయకపోతే మనం ఏ రకంగానూ ఎదగలేం.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.