Amitabh Bachchan: మనవరాలు అంటే అమితాబ్‌కు ఎంతో ప్రేమో.. ఆరాధ్యకు కోపం వస్తే బిగ్ బీకి తిప్పలే..!

కౌన్ బనేగా కరోడ్‌పతి (Kaun Banega Crorepati) షోలో బిగ్ బీ అమితాబ్ బచ్చన్ (Amitabh Bachchan) ఆసక్తిక విషయాలు పంచుకున్నారు. KBC సీజన్ 14లో హాట్ సీట్‌లో కూర్చున్న వైష్ణవి కుమారి అనే మహిళ అడిగిన ప్రశ్నలకు ఫన్నీగా సమాధానాలు ఇచ్చారు. తన మనవరాలు ఆరాధ్య (Aaradhya Bachchan)కు సంబంధించి ఇంట్రెస్టింగ్ విషయాలు చెప్పారు. 'మీ మనవరాలు ఆరాధ్య బచ్చన్‌తో మీరు ఎంత సమయం గడుపుతారు..?' ఆమె ప్రశ్నించింది.

అమితాబ్ స్పందిస్తూ.. 'ఆరాధ్యతో ఎక్కువ సమయం గడపలేకపోతున్నా.. అందుకోసం ఆమెకు క్యూట్ గిఫ్ట్స్ ఇస్తున్నా. నేను ఉదయం 7:30 గంటలకు నా పనిపై వెళ్లిపోతాను. ఆరాధ్య 8 గంటలకు పాఠశాలకు వెళుతుంది. ఆ తర్వాత 4 గంటలకు ఇంటికి తిరిగి వచ్చి హోంవర్క్ చేస్తుంది. ఆ తరువాత వాళ్ల చెప్పిన పని చేసుకుంటూ.. ఆడుకుంటుంది. నేను ఇంటికి చేరేసరికి 10-11 గంటలవుతోంది. ఆలోపే ఆరాధ్య నిద్రపోతుంది. అందుకే ఆమెతో ఎక్కువ టైమ్ స్పెండ్ చేయలేకపోతున్నా..' అంటూ బిగ్ బీ చెప్పుకొచ్చారు.
.
అదేవిధంగా తన మనవరాలు కోపంగా తాను చాక్లెట్స్ ఇచ్చి కూల్ చేస్తానని అమితాబ్ బచ్చన్ అన్నారు. ఆదివారం, ఆరాధ్యకు సెలవులు ఉన్న సమయంలో ఆమెతో ఆడుకుంటూ ఎక్కువ సమయం గడుపుతానని చెప్పారు. తనపై కోపంగా ఉంటే చాక్లెట్స్ గిఫ్ట్‌గా ఇస్తానన్నారు. ఆరాధ్యకు పింక్ కలర్ చాలా ఇష్టమైన రంగు అని అన్నారు. పింక్ కలర్ హెడ్‌బ్యాండ్, క్లిప్‌లను ఇస్తే.. వెంటనే ఆమె కోపం చల్లారుతుందంటూ అబితాబ్ చెప్పారు.