Doctor G Trailer: పాపం.. మేల్ గైనకాలజిస్టువి మామూలు కష్టాలు కాదుగా..

Doctor G Trailer: డిఫరెంట్ ఫిల్మ్స్‌తో బాలీవుడ్‌లో తనకంటూ ప్రత్యేకమైన గుర్తింపుతో పాటు.. ఫ్యాన్ ఫాలోయింగ్ తెచ్చుకున్నాడు టాలెంటెడ్ యాక్టర్ ఆయుష్మాన్ ఖురానా (Ayushmann Khurrana).. ఫస్ట్ మూవీ ‘విక్కీ డోనర్’ మొదలుకుని ‘శుభ్ మంగళ్ సావ్‌ధాన్’, ‘అంధాధూన్’, ‘బదాయి హో’, ‘ఆర్టికల్ 15’ వంటి విభిన్నమైన సినిమాలు, విలక్షణ పాత్రలతో అందర్నీ అలరించాడు. ఆయుష్మాన్ నటిస్తున్న ‘డాక్టర్ జి’ (Doctor G) మూవీ రిలీజ్‌కి రెడీ అవుతోంది. రకుల్ ప్రీత్ సింగ్ (Rakul Preet Singh) కథానాయిక కాగా.. అనుభుటి కశ్యప్ (Anubhuti Kashyap) దర్శకత్వంలో.. వినీత్ జైన్ నిర్మిస్తున్నారు.. అమిత్ త్రివేది మ్యూజిక్ కంపోజ్ చేస్తున్నారు. ఇప్పటివరకు రిలీజ్ చేసిన పోస్టర్స్, ప్రోమోస్ ఆకట్టుకున్నాయి. రీసెంట్‌గా ‘డాక్టర్ జి’ థియేట్రికల్ ట్రైలర్ విడుదల చేసింది మూవీ టీమ్.

ఆయుష్మాన్, డాక్టర్ ఉదయ్ గుప్తా క్యారెక్టర్లో కనిపించాడు. ప్రొఫెషన్ పరంగా మేల్ గైనకాలజిస్ట్ అయిన ఉదయ్.. మహిళలు, మేల్ గైనకాలజిస్టులతో కంఫర్ట్‌బుల్‌గా ఎందుకు ఉండరో అర్థం కాక.. వృత్తి రీత్యా గందరగోళానికి గురయ్యే డాక్టర్‌గా ఆయుష్మాన్ క్యారెక్టర్ ఆకట్టుకునేలా అనిపించింది. ట్రైలర్ స్టార్టింగ్‌లోనే ఆయుష్మాన్ క్యారెక్టర్‌ని రివీల్ చేసేశారు. అతని క్లాస్‌మెట్, డాక్టర్ ఫాతిమాగా రకుల్ కనిపించింది. వీళ్ల కెమిస్ట్రీకి యూత్ ఆడియన్స్‌ కనెక్ట్ అవుతారనిపిస్తోంది.

ఉదయ్‌కి ట్రైనింగ్ ఇచ్చే గైనకాలజిస్ట్, డాక్టర్ నందినిగా సీనియర్ నటి షెఫాలి షా (Shefali Shah) నటించారు. మేల్ గైనకాలజిస్టుగా రాణించాలంటే ముందు మేల్ టచ్‌ని కోల్పోవాలి అని ఆమె చెప్పడంతో ఉదయ్ అయోమయానికి గురవడం వంటివి సంఘటనలు ఫన్నీగా అనిపించాయి. విజువల్స్, బ్యాగ్రౌండ్ స్కోర్, డైలాగ్స్ ఆకట్టుకునేలా ఉన్నాయి. ప్రస్తుతం పోస్ట్ ప్రొడక్షన్ వర్క్ జరుపుకుంటున్న ‘డాక్టర్ జి’ మూవీ అక్టోబర్ 14న ప్రేక్షకుల ముందుకు రానుంది.