Akshay Kumar: షోలో కన్నీళ్లు పెట్టుకున్న అక్షయ్ కుమార్.. ఎంతో మార్పు వచ్చిందంటూ ఎమోషనల్

బాలీవుడ్ స్టార్ హీరో అక్షయ్ కుమార్ (Akshay Kumar) కన్నీళ్లు పెట్టుకున్న ఓ వీడియో నెట్టింట తెగ వైరల్ అవుతోంది. ఓ టీవీ షోలో ప్రసారమయ్యే సూపర్ స్టార్ సింగర్ 2 ప్రోమోలో ఆయన ఏడ్చారు. అక్షయ్ కుమార్ హీరోగా రక్షాబంధన్ (Raksha Bandhan) మూవీ తెరకెక్కుతోంది. ఆగస్టు 11న ఈ సినిమా ఆడియన్స్ ముందుకు రానుంది. ఈ నేపథ్యంలోనే ఇప్పటికే ప్రచార కార్యక్రమాలు చురుగ్గా సాగుతున్నాయి. ఈ మూవీ ప్రమోషన్స్‌లో భాగంగా అక్షయ్ కుమార్ సూపర్ స్టార్ సింగర్ 2 కార్యక్రమానికి హోస్ట్‌గా వెళ్లారు.

రక్షా బంధన్‌ స్పెషల్‌‌గా ఎపిసోడ్‌ ప్లాన్ చేశారు నిర్వాహకులు. ఇందులో అందరూ అన్నాచెల్లెలి అనుబంధాన్ని గుర్తుచేసే పాటలు పాడి.. అందరినీ అలరించారు. ఈ సందర్భంగా అక్షయ్ కుమార్ తన సోదరితో రాఖీ పౌర్ణమి నిర్వహించుకున్న కొన్ని ఫొటోలను నిర్వాహకులు స్క్రీన్‌పై ప్లే చేశారు. అక్షయ్ కుమార్ సోదరి అల్కా భాటియా పంపిన ఓ ఆడియో క్లిప్‌ను ప్లే చేశారు. ఇటీవల రాఖీ పండుగ గురించి మాట్లాడుతుంటే తనకు అన్నయ్య అక్షయ్ కుమార్ గుర్తుకువచ్చాడని ఆమె చెప్పారు. తనను సోదరుడిగానే.. ఓ తండ్రిగా.. ఫ్రెండ్‌గా సంరక్షించుకుస్తున్నందుకు ధన్యవాదాలు తెలిపారు.

అనంతరం అక్షయ్ కుమార్ తన కుటుంబం గురించి మాట్లాడుతూ.. ఎమోషనల్ అయ్యారు. తాము చిన్నప్పుడు చాలా ఇరుకు గదుల్లో ఉండేవాళ్లమని గుర్తుచేసుకున్నారు. చెల్లెలు దేవి మా ఇంటికి దేవతలా వచ్చారని.. దీంతో తమ కష్టాలన్నీ తీరుపోయాయని భావోద్వేగానికి గురయ్యారు స్టార్ హీరో. తన వచ్చిన తరువాత ఎంతో మార్పు వచ్చిందని.. తమ బంధం అత్యంత విలువైనదని చెబుతూ కన్నీళ్లు పెట్టుకున్నారు. ప్రస్తుతం ఈ షోకు సంబంధించిన ప్రోమో నెట్టింట బాగా వైరల్ అవుతోంది.