అవార్డ్స్ షోలో మాజీ ప్రియుడిని తిట్టిన Anushka

బాలీవుడ్ నటి అనుష్క శర్మ.. హీరో రణ్‌వీర్ సింగ్ ఒకప్పుడు డేటింగ్‌లో ఉన్న సంగతి తెలిసిందే. ‘బ్యాండ్ బాజా బారాత్’ సినిమాతో వీరిద్దరూ బ్లాక్ బస్టర్ విజయాన్ని సొంతం చేసుకున్నారు. ఈ సినిమా షూటింగ్ సమయంలో ఇద్దరి మధ్య ప్రేమ చిగురించింది. కొంతకాలం ప్రేమించుకున్న తర్వాత ఇద్దరూ ఎవరి దారి వారు చూసుకున్నారు. కానీ ఇప్పటికీ ఇద్దరూ మంచి ఫ్రెండ్స్‌లా ఉంటారు. అయితే రణ్‌వీర్ హైపర్ యాక్టివ్‌నెస్ తట్టుకోలేక అనుష్కకు కోపం వచ్చినట్లుంది. ఇటీవల ముంబయిలో ఎల్ బ్యూటీ అవార్డ్స్ జరిగాయి. ఈ సందర్భంగా అనుష్క తనకు కేటాయించిన కుర్చీలో కూర్చుని ఉన్నారు.

READ ALSO: యాక్సిడెంట్ అయింది నా కారుకి కాదు: బిగ్‌బాస్ భామ యషికా క్లారిటీ

ఆ సమయంలో రణ్‌వీర్ ఎప్పటిలాగే హడావుడి చేయాలనుకున్నాడు. అక్కడే ఉన్న మైక్ తీసుకుని హోస్ట్‌లాగా పోజ్ కొడుతూ అనుష్కను ఓ ప్రశ్న అడిగాడు. ‘సక్సెస్ అంటే ఏంటో బ్యూటిఫుల్ నటి అనుష్క శర్మను అడిగి తెలుసుకుందాం’ అని మైక్‌ను ఆమె ముందు పెట్టాడు. అతని వల్ల అనుష్క అసౌకర్యంగా ఫీలయ్యిందో లేక ఫన్నీగా కామెంట్ చేసిందో తెలీదు కానీ.. ‘రణ్‌వీర్ నువ్వు హోస్ట్ వి కావు. వెళ్లి కూర్చో’ అనేసింది. ఏ విషయాన్నైనా పాజిటివ్‌గా తీసుకునే రణ్‌వీర్‌కు అనుష్క అలా అనేసరికి కోపం వచ్చినట్లుంది. ‘ఓకే సారీ సారీ’ అనుకుంటూ మైక్ అక్కడ పెట్టేసి వెళ్లిపోయాడు.

READ ALSO: అమ్మడు హద్దులు దాటేసింది.. జాన్వీ హాట్ ఫొటోస్‌

ఎల్ అవార్డ్స్ షోలో రణ్‌వీర్ మ్యాన్ ఆఫ్ ది ఇయర్ ట్రోఫీని అందుకున్నారు. అనుష్కకు ఎల్ ఇంపాక్ట్ ట్రోఫీ దక్కింది. బాలీవుడ్ నటులు కరీనా కపూర్, జాన్వి కపూర్, తారా సుతారియా, అనన్య పాండే, మానుషీ చిల్లార్ తదితరులు ఈ అవార్డ్స్‌ షోలో పాల్గొని సందడి చేశారు. ఎల్ బ్రాండ్‌కు అనుష్క ఎప్పటినుంచో బ్రాండ్ అంబాసిడర్‌గా వ్యవహరిస్తున్నారు. ‘బ్యాండ్ బాజా బారాత్’ సినిమా తర్వాత రణ్‌వీర్, అనుష్కల రిలేషన్‌షిప్‌ను చూసి కచ్చితంగా వారిద్దరూ పెళ్లి చేసుకుంటారనే అనుకున్నారంతా. కానీ ఏం జరిగిందో తెలీదు కానీ ఇద్దరూ విడిపోయారు. ఆ తర్వాత రణ్‌వీర్.. దీపిక పదుకొణెను ప్రేమించాడు. అనుష్క.. టీమిండియా కెప్టెన్ విరాట్ కోహ్లీని ఇష్టపడింది. అలా ఇద్దరూ వేరే పెళ్లిళ్లు చేసుకుని ఎవరి దారి వారు చూసుకున్నారు. రణ్‌వీర్, దీపికల వెడ్డింగ్ రిసెప్షన్‌కు అనుష్క కూడా వెళ్లారు.