Bipasha Basu: తల్లి కాబోతున్న బిపాసా బసు.. బేబీ బంప్‌ పిక్స్ వైరల్

తల్లి కాబోతున్నట్లు బాలీవుడ్‌ బ్యూటీ బిపాసా బసు (Bipasha Basu) ప్రకటించారు. ఆమె గర్భవతి అయినట్లు ఇటీవలె రూమార్స్ స్ప్రెడ్ అవ్వగా.. తాజాగా ఆమె అధికారికంగా ప్రకటిస్తూ బేబీ బంప్ పిక్స్‌ను సోషల్ మీడియాలో షేర్ చేసుకున్నారు. భర్త కరణ్‌ సింగ్‌ గ్రోవర్‌తో కలిసి బేబీబంప్‌తో ఫొటలోకు ఫోజులు ఇచ్చారు. ఈ పిక్స్‌ను అభిమానులతో పంచుకుంటూ.. త్వరలోనే తమ బేబీ రాబోతున్నట్లు తెలిపారు. ఈ సందర్భంగా ఎమోషనల్ పోస్ట్ పెట్టారు.

'ఒక కొత్త సమయం, ఒక కొత్త దశ, ఒక కొత్త కాంతి మనం గతంలో కంటే కొంచెం భిన్నంగా ఉండేలా చేస్తుంది. కరణ్‌ సింగ్‌ గ్రోవర్‌, నేను కలిసి కొత్త జీవితాన్ని ఆరంభించాం. కొంతకాలంగా ఇద్దరంగా ఉన్న మేము.. త్వరలో ముగ్గురం కాబోతున్నాం. మా ప్రేమ ప్రతీరూపంగా మా బిడ్డ త్వరలో మాతో చేరబోతుంది. మా ఆనందాన్ని మరింత పెంచబోతుంది..' అంటూ బిపాసా బసు రాసుకొచ్చారు. అభిమానులంరకీ ఆమె ధన్యవాదాలు తెలిపారు. అందరీ ఆశీస్సులు ఎల్లప్పుడు ఉండాలని కోరుకున్నారు.


బాలీవుడ్ బోల్డ్ బ్యూటీగా పేరు తెచ్చుకున్న బిపాసా బసు.. పలు సూపర్ హిట్ మూవీస్‌లో నటించారు. తెలుగులో కూడా ఈ బ్యూటీ హీరోయిన్‌గా యాక్ట్ చేశారు. సూపర్ స్టార్ మహేష్ బాబు సరసన టక్కరి దొంగ సినిమాతో టాలీవుడ్ ప్రేక్షకులను అలరించారు. ఎలోన్‌ మూవీ టైమ్‌లో కరణ్‌ సింగ్‌ గ్రోవర్‌తో ప్రేమలో పడిన ఈ అందగత్తె.. 2016లో పెళ్లి చేసుకుని ఒక్కటయ్యారు. వివాహం అనంతరం బిపాసా సినిమాలను బాగా తగ్గించేశారు.