Emergency: నేను కింద పడాల‌ని కోరుకున్నారు.. బాధ పెడుతున్నారు.. కంగ‌నా ర‌నౌత్ ఎమోష‌న‌ల్ పోస్ట్‌

బాలీవుడ్‌లో కాంట్ర‌వ‌ర్సియ‌ల్ క్వీన్‌గా పేరు తెచ్చుకున్న నటి కంగ‌నా ర‌నౌత్‌. ఏ విష‌యాన్ని అయినా త‌ను అనుకున్న‌ది అనుకున‌ట్లు చెప్పేస్తుంది. ఎదుటివారు ఏమ‌నుకుంటారోన‌ని ఆలోచించ‌దు. అలాగే న‌టిగానూ త‌న‌దైన చిత్రాల్లో న‌టిస్తూ ప్ర‌త్యేక‌మైన గుర్తింపును ఆమె సంపాదించుకుంది. న‌టిగానే కాకుండా నిర్మాత‌గానూ ద‌ర్శ‌కురాలిగానూ రాణిస్తున్నారామె. ప్ర‌స్తుతం కంగ‌నా ర‌నౌత్ న‌టిస్తోన్న చిత్రం ‘ఎమర్జన్సీ’. ఈ సినిమాలో ఆమె మాజీ మ‌హిళా ప్ర‌ధాని ఇందిరాగాంధీ పాత్ర‌ను పోషిస్తుంది. న‌టిగానే కాకుండా ఈ సినిమాకు ద‌ర్శ‌క‌త్వం వ‌హిస్తున్నారు. త‌న బ్యాన‌ర్‌లో సినిమాను ప్రొడ్యూస్ చేస్తున్నారు.

‘ఎమర్జన్సీ’ సినిమా చిత్రీక‌ర‌ణంతా ముగిసింది. ఈ సంద‌ర్భంగా కంగ‌నా ర‌నౌత్ చేసిన ఎమోష‌న‌ల్ పోస్ట్ నెట్టింట తెగ వైర‌ల్ అవుతుంది. ‘‘‘ఎమర్జన్సీ’ సినిమా ప్రయాణంలో నటిగా నా పని పూర్తయ్యింది. నా జీవితంలో ఇదొక అద్భుత‌మైన ఘ‌ట్టం అని చెప్పాలి. ఈ సినిమా కోసం నేను చేసిన ప్ర‌యాణం చాలా మందికి సాఫీగా సాగిన‌ట్లు అనిపించింది. కానీ.. అందులో నిజం లేదు. ఎందుకంటే చాలా ప‌రీక్ష‌ల‌ను ఎదుర్కొన్నాను. కొంద‌రు నేను కింద ప‌డిపోవాల‌ని కోరుకున్నారు. కొంద‌రైతే న‌న్ను బాధ పెట్టే ప్ర‌తీ విష‌యాన్ని చేస్తున్నారు. ఈ సినిమా షూటింగ్ స‌మ‌యంలోనే డెంగ్యూ బారిన ప‌డ్డాను. నా ఆస్తుల‌ను త‌న‌ఖా పెట్టాను. అయితే ఏవీ న‌న్ను అప‌లేదు. ధైర్యంగా ముందుకెళ్లాను. ఇది నాకు పున‌ర్జ‌న్మ‌లా ఇంత‌కుముందెన్న‌డూ లేనట్లుగా అనిపిస్తుంఇ. ఈ ప్ర‌యాణంలో నాకు తోడుగా ఉంన్న చిత్ర యూనిట్‌కు ధ‌న్య‌వాదాలు’’ అని తెలిపారు కంగనా రనౌత్.

ఎమర్జన్సీ సినిమా ప్రయాణం గురించి కంగన చేసిన ఎమోషనల్ పోస్ట్ నెట్టింట వైరల్ అవుతుంది. రీసెంట్ టైమ్‌లో కంగనా రనౌత్ ‘బహుభార్యత్వం (Polygamy), యాసిడ్ దాడుల’ నుంచి మహిళలను రక్షించ‌టానికి ప్ర‌భుత్వం చ‌ర్య‌లు తీసుకోవాల‌ని అందు కోసం కొత్త చట్టాలను రూపొందించాలని ప్రధాని నరేంద్ర (Nrendra Modi) మోడీని అభ్యర్థించింది.



ALSO READ: Pawan Kalyan: ‘భీమ్లా నాయక్’ను నేనే డైరెక్ట్ చేయాల్సింది ... బాబీతో గొడ‌వ‌లేం లేవు: గోపీచంద్ మలినేని
ALSO READ: James Cameron: Rajamouliకి జేమ్స్ కామెరూన్ అదిరిపోయే ఆఫర్.. RRRపై హాలీవుడ్ డైరెక్టర్ రివ్యూ
ALSO READ: Pathaan : పఠాన్ ప్రమోషన్స్.. రామ్ చరణ్‌ తీసుకెళ్తే వస్తా!.. బాలీవుడ్ బాద్ షా ట్వీట్ వైరల్

• Read LatestTollywood Updates and Telugu News