‘ఆ నటుడు వేధించాడా? మరి ఇన్నాళ్లూ ఎందుకు చెప్పలేదు?’

బాలీవుడ్ నటి తనుశ్రీ దత్తా పదేళ్ల క్రితం తనకు ఎదురైన అనుభవం గురించి చెప్పకపోయుంటే మీటూ ఉద్యమం ఉదృతం అయ్యేది కాదు. అప్పటివరకు చాలా మంది తమకు ఎదురైన లైంగిక వేధింపుల గురించి బయటపెట్టారు కానీ అంతగా వైరల్ అవ్వలేదు. కానీ గతేడాది ఓ ఇంటర్వ్యూలో బాలీవుడ్ నటుడు నానా పటేకర్‌పై తనుశ్రీ చేసిన ఆరోపణలు మీటూకు బలాన్ని చేకూర్చాయి. తనుశ్రీ తర్వాత ఎందరో నటీమణులు, గాయనిలు, క్యారెక్టర్ ఆర్టిస్ట్‌లు తమకు ఇండస్ట్రీలో ఎదురైన వేధింపుల గురించి చెప్పి ఎందరో బండారాలు బయటపెట్టారు. అయితే పదేళ్ల క్రితం జరిగిన సంఘటన గురించి అప్పుడే ఎందుకు చెప్పలేదని తనుశ్రీపై ఆరోపణలు చేస్తున్నారు బాలీవుడ్ నటి కోయినా మిత్రా.

READ ALSO: Modiని బెదిరించిన గాయని ప్రైవేట్ ఫొటోలు లీక్

ఇటీవల సల్మాన్ ఖాన్ హోస్ట్ చేస్తున్న బిగ్ బాస్ సీజన్ 13లో పాల్గొన్న కోయినా రెండో వారంలోనే ఎలిమినేట్ అయ్యారు. ఆ తర్వాత మీడియా ముందుకు వచ్చిన కోయినా తనుశ్రీపై ఆరోపణలు చేశారు. ‘తనతో నానా పటేకర్‌ తప్పుగా ప్రవర్తించాడని తనుశ్రీ ఆరోపించింది. ఈ ఘటన దాదాపు పదేళ్ల క్రితం జరిగింది. అలాంటప్పుడు అప్పుడే ఎందుకు ఈ విషయం గురించి మీడియా ముందు ఎందుకు బయటపెట్టలేదు. నానా పటేకర్‌పై కేసు పెట్టి అమెరికా వెళ్లిపోయింది. ఆ తర్వాత ఒక్కసారైనా వచ్చి నానా పటేకర్ పరిస్థితిపై ఆరా తీసిందా? ఈ ఘటన గురించి బయటపెట్టడం వల్ల తనుశ్రీకి బాగా పాపులారిటీ వచ్చింది. దాంతో పలు ప్రకటనల్లో నటించే అవకాశం దక్కించుకుంది. ఆ తర్వాత మళ్లీ అమెరికా వెళ్లిపోయింది. ఇండస్ట్రీలో నాకు నచ్చే నటీమణి కంగనా రనౌత్ ఒక్కరే. ఏదైనా ముఖం మీదే నేరుగా మాట్లాడే ధైర్యం ఆమెకు ఉంది. ఫెమినిజంకు అసలైన నిర్వచనం చెప్పింది కంగన మాత్రమే’ అని వెల్లడించింది.

See Photo Story: చీరకట్టులో 'బాలా'... భూమి పెడ్నేకర్ అదిరిపోలా!

దాంతో కోయినాపై ప్రశంసలు కురిపించింది కంగన సోదరి రంగోలీ. తన చెల్లెలిని ఎవరైనా కాస్త పొగిడితే చాలు వారు ఎలాంటివారైనా పొగిడేస్తుంది రంగోలీ. నిజానికి తనుశ్రీని అలా ప్రశ్నించే హక్కు కోయినాకు లేదు. ఆ సమయంలో చెబితే ఎక్కడ సినిమాలు పోతాయోనన్న భయంతో తనుశ్రీ ఈ విషయం చెప్పుకోలేకపోయింది. కనీసం ఇప్పుడు బయటపెట్టడం వల్ల ఎందరో నటీమణులు తమ అనుభవాలను బయటికి చెప్పకోగలిగారు. అందుకు మెచ్చుకోవాల్సిందిపోయి అప్పుడే ఎందుకు చెప్పలేదు అని కోయినా ప్రశ్నించడం కరెక్ట్ కాదు. అలా చేసినందుకు కోయినాను మందలించాల్సిందిపోయి తన చెల్లె్ల్ని పొగిడినందుకు తెగ మెచ్చకుంది రంగోలీ.

READ ALSO: Virat Kohli Birthday.. బ్యూటిఫుల్ ఫొటోలు షేర్ చేసిన అనుష్క శర్మ