Bollywood Actress Manjari Phadnis Once Again Opens Up On Casting Couch Says She Left Working After Shakti Film
NTR హీరోయిన్: ఆ డైరెక్టర్ నాతో పడుకుంటావా అని అడిగాడు
చిత్ర పరిశ్రమలో కాస్టింగ్ కౌచ్ భూతం గురించి ఎందరో నటీమణులు బయటపెట్టారు. టాలీవుడ్లో కాస్టింగ్ కౌచ్ ఉందని తనదైన శైలిలో మీడియా ముందు బయటపెట్టి సంచలనం రేపింది శ్రీరెడ్డి. తాజాగా ప్రముఖ నటి మంజరి ఫడ్నిస్ తెలుగు చిత్ర పరిశ్రమలో తాను ఎదుర్కొన్న క్యాస్టింగ్ కౌచ్ గురించి మీడియాతో పంచుకుంది. ‘శక్తి’ సినిమా తర్వాత తాను సినిమాలు చేయకపోవడానికి కారణం అదేనని తెలిపింది.
Samayam Telugu10 Dec 2019, 12:04 pm
చిత్ర పరిశ్రమలో కాస్టింగ్ కౌచ్ భూతం గురించి ఎందరో నటీమణులు బయటపెట్టారు. టాలీవుడ్లో కాస్టింగ్ కౌచ్ ఉందని తనదైన శైలిలో మీడియా ముందు బయటపెట్టి సంచలనం రేపింది శ్రీరెడ్డి. తాజాగా ప్రముఖ నటి మంజరి ఫడ్నిస్ తెలుగు చిత్ర పరిశ్రమలో తాను ఎదుర్కొన్న క్యాస్టింగ్ కౌచ్ గురించి మీడియాతో పంచుకుంది. ‘శక్తి’ సినిమా తర్వాత తాను సినిమాలు చేయకపోవడానికి కారణం అదేనని తెలిపింది.
ఆ డైరెక్టర్ పడుకుంటావా అని అడిగాడు
మంజరి ఫడ్నిస్ అల్లరి నరేష్కు జోడీగా ‘సిద్ధు ఫ్రం శ్రీకాకుళం’తో తన టాలీవుడ్ కెరీర్ను ప్రారంభించారు. ఆ తర్వాత ‘శుభప్రదం’, యంగ్ టైగర్ ఎన్టీఆర్కు భార్యగా ‘శక్తి’ సినిమాలో నటించారు. ఆ తర్వాత మంజరికి తెలుగులో బాగానే అవకాశాలు వచ్చాయి. కానీ ఓ టాప్ నిర్మాణ సంస్థ నుంచి సినిమా వచ్చినప్పటికీ ఓ దర్శకుడు తనతో పడుకుంటే నటించే అవకాశం ఇస్తానని అన్నాడట. తన ఆత్మాభిమానాన్ని చంపుకోలేక ఆ పాడుపని చేయడానికి ఒప్పుకోలేదని, ఆ తర్వాత తెలుగు సినిమాల్లో నటించకూడదని నిర్ణయించుకున్నానని తెలిపారు.
మాలాంటి వారికి అదో శాపం
మాలాంటి టాలెంటెడ్ నటీమణులకు క్యాస్టింగ్ కౌచ్ అనేది ఓ శాపంలాంటిది. ఆ శాపం వల్లే మా టాలెంట్ నిరూపించుకోలేక సినిమాలకు దూరంగా ఉంటున్నాం. అందుకే మాకు స్టార్డం రావడంలేదు. నేను ఎదుర్కొన్న క్యాస్టింగ్ కౌచ్ సంఘటనల వల్ల డిప్రెషన్లోకి వెళ్లిపోయా. దాని నుంచి బయటపడటానికి చాలా సమయం పట్టింది. సినీ పరిశ్రమలో క్యాస్టింగ్ కౌచ్ ఉంటుందన్న మాట నిజమే. కానీ ఎవ్వరూ బలవంతంగా రేప్ చేయరు. ఒప్పుకోవాలా వద్దా అనేది మన ఆత్మాభిమానంపై ఆధారపడి ఉంటుంది.
పారితోషికం ఇచ్చేసేదాన్ని
సినిమాకు సంతకం చేశాక పడుకుంటావా అని చాలా మంది అడిగారు. దాంతో నేను తీసుకున్న డబ్బు వెనక్కి ఇచ్చేసి సినిమాల నుంచి నేనే తప్పుకునేదాన్ని. అవకాశాల కోసం సెక్స్కి ఒప్పుకునే అమ్మాయిని కాదని ఈపాటికి అందరు నిర్మాతలకు తెలిసి ఉంటుంది. ఓసారి దక్షిణాది నిర్మాత నుంచి నాకు పిలుపు వచ్చింది. భారీ బడ్జెట్ సినిమాలో నాకు అవకాశం ఇస్తానన్నాడు. కానీ దాని వల్ల నాకు లాభమేంటి అని అడిగాడు. నేను బాగా కష్టపడి నటిస్తానని చెప్పాను. కానీ ఆ విషయం నాకు అనవసరం అన్నాడు. అప్పుడు అర్థమైంది మనసులో దురుద్దేశంతో నన్ను పిలిపించాడని. హీరోయిన్లు తాము ఎదుర్కొన్న లైంగిక వేధింపుల గురించి మీడియా ముందు మాట్లాడితే అన్ని నిర్మాణ సంస్థల నుంచి అవకాశాలు తగ్గిపోతాయి
నేను పోగొట్టుకున్న సినిమాలే ఎక్కువ
15 ఏళ్లుగా సినీ పరిశ్రమలో ఉన్నాను. ఇంత సుదీర్ఘ కెరీర్ ఉన్నప్పటికీ నేను చేసిన సినిమాల కంటే పోగొట్టుకున్న సినిమాలే ఎక్కువగా ఉన్నాయి. ఇందుకు కారణం ఫలానా డైరెక్టర్కో ప్రొడ్యూసర్కో లొంగకపోవడం. వాళ్లు అడిగిన దానికి ఒప్పుకోలేదని నన్ను సినిమాల నుంచి తొలగించేసేవారు. అంతేకాదు వారి వల్ల భారీ కమర్షియల్ సినిమాల్లో అవకాశాలు కూడా పోగొట్టకోవాల్సి వచ్చింది. అందుకే తక్కువ బడ్జెట్తో తెరకెక్కించిన సినిమాల్లో మాత్రమే నటించేదాన్ని. కానీ అవి బాక్సాఫీస్ వద్ద ఫెయిల్ అయ్యేవి. ఈ ఘటనల వల్ల చాలా కాలంగా డిప్రెషన్లో ఉండిపోయాను. ఇలాంటి క్యాస్టింగ్ కౌచ్ ఘటనలు చిత్ర పరిశ్రమలో చాలా ఎక్కువ. అయితే వాటిని ఒప్పుకోవాలని ఎవ్వరూ బలవంతం చేయరు. నా ఆత్మాభిమానాన్ని పోగొట్టుకోలేక ఎందరో పెద్ద నిర్మాతల సినిమాలకు నో చెప్పాను. కొన్నిసార్లు సినిమాలకు సంతకం చేసేశాక కోరికలు తీర్చమని అడిగేవారు.
స్టార్ కిడ్స్కి సులువే కానీ
కుటుంబం నుంచి రావాలి. అలాగని స్టార్ కిడ్స్కి అంత సులువు అని చెప్పను. వారికి మంచి సినిమాల్లో అవకాశాలు వస్తాయి. కానీ ఆ సినిమా ఫెయిల్ అవ్వకుండా కుటుంబం గౌరవాన్ని పెంచేలా నటించాల్సి ఉంటుంది. ఒకవేళ సినిమా ఫెయిల్ అయితే వారు ఎదుర్కొనే అవమానాలు అన్నీ ఇన్నీ కావు. కానీ ఎన్ని సినిమాలు ఫెయిల్ అయినా వారికి అవకాశాలు వస్తూనే ఉంటాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.