ర‌ణ్‌‌వీర్ సింగ్ కారుకు ప్రమాదం.. హీరో చేసిన పనికి షాకైన వాహనదారులు

బాలీవుడ్‌ హీరో రణ్‌వీర్ సింగ్ కారుకు ముంబయిలో గురువారం స్వల్ప ప్రమాదం జరిగింది. ఓ బైకర్ ఆయను కారును వెనుక నుంచి ఢీకొట్టాడు. దీంతో హీరో వెంటనే కిందికి దిగి కారును పరిశీలించాడు.

Samayam Telugu 16 Oct 2020, 9:12 am

బాలీవుడ్ స్టార్ హీరో రణ్‌వీర్‌సింగ్ కారు ప్రమాదానికి గురైంది. గురువారం ముంబయిలోని ఓ స్టుడియోలో డబ్బింగ్ పూర్తి చేసుకుని ఇంటికి తిరిగి వెళ్తుండగా ఆయన ప్రయాణిస్తున్న కారును వెనుక నుంచి ఓ బైక్ ఢీకొట్టింది. దీంతో రణ్‌వీర్ వెంటనే కిందికి దిగి కారుకు డ్యామేజ్ జరిగిందా? అని చూసుకున్నారు. డ్యామేజ్ ఏమీ లేకపోవడంతో వెంటనే కారెక్కేశారు. ఓ స్టార్ హీరో సడెన్‌గా రోడ్డు మీదికి రావడంతో అక్కడున్న వారంతా షాకయ్యారు. క్షణాల్లో జరిగిన ఈ ఘటనను అక్కడున్న వారంతో తమ సెల్‌ఫోన్లనో బంధించారు.

రణ్‌వీర్ కారు దిగి పరిశీలించడం, ఆ వెంటనే మళ్లీ లోపలికి వెళ్లడాన్ని ఓ వ్యక్తి వీడియో తీసి తన ఇన్‌స్టాగ్రామ్‌ అకౌంట్లో పోస్ట్ చేయగా అది కాస్తా వైరల్‌గా మారింది. ర‌ణ్‌వీర్ ప్రస్తుతం క్రికెట్ కథాంశంతో తెరకెక్కుతున్న ‘83’ అనే సినిమాలో దిగ్గజ క్రికెటర్ కపిల్‌దేవ్ పాత్రలో నటిస్తున్నాడు. త్వరలోనే తెలుగు బ్లాక్‌బస్టర్ మూవీ ‘ఇస్మార్ట్ శంకర్’ హిందీ రీమేక్‌లో నటించనున్నట్లు బాలీవుడ్ టాక్.

ర‌ణ్‌‌వీర్ సింగ్ కారుకు ప్రమాదం.. హీరో చేసిన పనికి షాకైన వాహనదారులు

తరవాత కథనం