అమితాబ్ బర్త్‌డే స్పెషల్: ఆయన గురించి ఈ విషయాలు తెలుసా..!

బాలీవుడ్ షెహన్‌షా, గాడ్ ఫాదర్ ఆఫ్ బాలీవుడ్, బిగ్ బి.. ఇవన్నీ బాలీవుడ్ మెగాస్టార్ అమితాబ్ బచ్చన్‌కు అభిమానులు పెట్టుకున్న పేర్లు. ఫ్యాన్సే కాదు సెలబ్రిటీలు కూడా ఆయన్ని ఇలాగే పిలుస్తుంటారు. దాదాపు 300లకు పైగా చిత్రాల్లో నటించిన బిగ్ బి ఈరోజు 77వ పుట్టినరోజు జరుపుకుంటున్నారు. ఏడు పదుల వయసులోనూ ఆయన తన సినిమాలతో ప్రేక్షకులను మెస్మరైజ్ చేస్తూనే ఉన్నారు. ఆయన పుట్టినరోజు సందర్భంగా బిగ్ బి గురించి పలు ఆసక్తికర విషయాలు మీకోసం..
అమితాబ్ అసలు పేరు ఇన్‌క్విలాబ్ శ్రీవాస్తవ. ఆ తర్వాత ఆయన పేరును అమితాబ్ అని మార్చారు. అమితాబ్ పేరుకి అర్థం ఎప్పటికీ ఆగిపోని వెలుగు.

READ ALSO: నాపై ఈ వెరైటీ రూమర్స్ ఏంటమ్మా?: నందినీ రెడ్డి

* అమితాబ్ బచ్చన్‌ ఓ ఆండీడెక్స్‌ట్రస్. అంటే రెండు చేతులతో రాయలగల సమర్ధం ఉన్నవారు.

* 1969లో వచ్చిన భువన్ షోమ్ అనే సినిమాతో అమితాబ్ తన కెరీర్‌ను మొదలుపెట్టారు. అయితే ఆయన ఈ సినిమాకు నరేటర్‌గా మాత్రమే వ్యవహరించారు. ఆ తర్వాత వచ్చిన ‘సాథ్ హిందుస్థానీ’ సినిమాతో ఆయన నటుడిగా మారారు.

* అమితాబ్‌కు ఇంజినీర్ అవ్వాలన్న కోరిక ఉండేది. అంతేకాదు ఆయన ఇండియన్ ఎయిర్ ఫోర్స్‌లో చేరాలనుకున్నారు.

* అమితాబ్‌లో ఓ మంచి గాయకుడు కూడా ఉన్నాడు. ఓసారి పాట పాడి ఆల్ ఇండియా రేడియో స్టేషన్‌కు పంపితే వారు గొంతు బాలేదని రిజెక్ట్ చేశారు.

* అమితాబ్ బచ్చన్ అందుకున్న తొలి జీతం రూ.300

READ ALSO: ‘రష్మిక మందనలా నేను అలా ముద్దులు పెట్టను, నా లిమిట్స్ తెలుసు’

* సినిమాల్లోకి వచ్చాక అమితాబ్‌కు వరుసగా 12 ఫ్లాప్ సినిమాలు ఎదురయ్యాయి. ఆ తర్వాత వచ్చిన ‘జంజీర్’ ఆయనకు కెరీర్‌లో తొలి హిట్ ఇచ్చింది. ఒకే నెలలో ఆయన నటించిన నాలుగు సినిమాలు విడుదలై హిట్ అయ్యాయి.

* 1995లో జరిగిన మిస్ వరల్డ్ కాంటెస్ట్‌కు అమితాబ్ జడ్జ్‌గా వ్యవహరించారు.

* ఇండస్ట్రీలో అత్యధిక డబుల్ రోల్స్‌లో నటించిన ఏకైక నటుడు అమితాబే.

* మేడమ్ టుస్సాడ్స్‌ వ్యా్క్స్ మ్యూజియంలో ఆయనకు మైనపు విగ్రహం ఉంది. ఆ ఘనత సాధించిన తొలి భారతీయ నటుడు ఆయనే.

* అమితాబ్‌కు చేతి గడియారాలు కలెక్ట్ చేయడం కంటే చాలా ఇష్టం. ఆయన ఎప్పుడు బయటికి వెళ్లినా రెండు వాచ్‌లు పెట్టుకుని వెళుతుంటారు.

* ప్రతి ఆదివారం అమితాబ్ తన నివాసం వద్ద తనకోసం ఎదురుచూస్తున్న అభిమానులను పలకరిస్తుంటారు. ఆదివారం రాగానే వందలాది మంది అభిమానులు జుహులోని ఆయన నివాసం వద్ద ఎదురుచూస్తుంటారు.