Jayalalitha బయోపిక్‌లో బాలకృష్ణ?

నటసింహా నందమూరి బాలకృష్ణ మరోసారి తన తండ్రి నందమూరి తారక రామారావు పాత్రలో నటించనున్నారా? అవుననే అంటున్నాయి బాలీవుడ్ వర్గాలు. తమిళనాడు మాజీ ముఖ్యమంత్రి జయలలిత జీవితాధారంగా బాలీవుడ్‌లో ‘జయ’ అనే బయోపిక్ తెరకెక్కుతున్న సంగతి తెలిసిందే. ఇందులో జయలలిత పాత్రలో బాలీవుడ్ క్వీన్ కంగనా రనౌత్ నటిస్తున్నారు. ప్రముఖ తమిళ దర్శకుడు ఏ.ఎల్ విజయ్ సినిమాను డైరెక్ట్ చేస్తున్నారు. ఇప్పటికే షూటింగ్ మొదలైపోయింది. అయితే.. ఇందులో నందమూరి తారక రామారావు, జయలలితలకు సంబంధించిన ఆసక్తికరమైన సన్నివేశాలను సినిమాలో చూపించనున్నారట.

READ ALSO: Speaker Om Birla: ట్రైలర్‌లో ఆ రేప్ సీన్లేంటి?

ఎన్టీఆర్, జయలలితల కాంబినేషన్‌లో ‘బాగ్దాదీ గజ దొంగ’, ‘ఆలీ బాబా 40 దొంగలు’, ‘కదలడు వదలడు’, ‘దేవుడు చేసిన మనుషులు’ ఇలా ఎన్నో సినిమాలు వచ్చాయి. వాటిలో కొన్ని ఇంట్రెస్టింగ్ సన్నివేశాలను సినిమాలో చూపించనున్నారట. అయితే ఎన్టీఆర్ పాత్రలో ఆయన కుమారుడు నందమూరి బాలకృష్ణ కాకుండా ఇంకెవ్వరు నటించగలరు చెప్పండి? అందుకే డైరెక్టర్ విజయ్.. బాలకృష్ణతో చర్చలు జరపనున్నట్లు బాలీవుడ్ వర్గాల సమాచారం. సినిమాలో అన్నాడీఎంకే లెజెండరీ లీడర్ ఎంజీఆర్ పాత్రలో ప్రముఖ నటుడు అరవింద్ స్వామి నటించనున్నారు. ఇటీవల అరవింద్‌కు సంబంధించిన క్లీన్ షేవ్ లుక్ ఒకటి బయటికి వచ్చింది. ఇక ‘జయ’ బయోపిక్ విషయానికొస్తే తెలుగు, తమిళం, హిందీ భాషల్లో ఈ బయోపిక్‌ను విడుదల చేయనున్నారు.

READ ALSO: Sneha Ullalను ఆ హీరో వాడుకుని వదిలేశాడా?

తెలుగు, తమిళంలో ‘తలైవి’ టైటిల్‌తో సినిమా విడుదల కాబోతోంది. అయితే ఈ సినిమాను రెండు భాగాలుగా తెరకెక్కిస్తారట. మొదటి భాగంలో జయలలిత చిన్ననాటి విషయాలను రెండో భాగంలో ఆమె రాజకీయ ప్రస్థానం గురించి చూపించబోతున్నారట. మరోపక్క కంగన ఈ సినిమా కోసం తమిళం నేర్చుకుంటోంది. ఈ భాష చాలా కష్టంగా ఉందని కంగన తెలిపారు. మొత్తానికి ‘ఎన్టీఆర్’ బయోపిక్ తర్వాత మరోసారి నందమూరి అభిమానులు బాలయ్యను తన తండ్రి పాత్రలో చూడబోతున్నారన్నమాట. అయితే ఈ సినిమాను బాలయ్య ఒప్పుకోరని మరికొందరి వాదన. ఎందుకంటే ప్రస్తుతం బాలయ్య ‘రూలర్’ సినిమాతో చాలా బిజీగా ఉన్నారు. అదీకాకుండా తన తండ్రి బయోపిక్ కాబట్టి ఎన్టీఆర్ పాత్రలో నటించారు కానీ వేరే వాళ్ల బయోపిక్‌లో మాత్రం ఆయన నటించడానికి ఒప్పుకోరని తెలుస్తోంది. దీనిపై అఫీషియన్ ప్రకటన వచ్చే వరకు వేచి చూడాలి.

READ ALSO: ‘నన్ను సెక్స్ సీన్ల కోసమే తీసుకునేవారు’