కోయకుండానే కన్నీరు పెట్టిస్తున్న ఉల్లి
నిత్యావసరాల్లో ఒకటైన ఉల్లి ధర చుక్కలు తాకుతోంది. ఇప్పటికే మార్కెట్‌లో ఉల్లిపాయల రేటు 200లకు కాస్త అటు ఇటుగా ఉంది. దీంతో సామాన్యుడు ఉల్లిపాయలు కొనలేని పరిస్థితి ఏర్పడింది. ధరలు తగ్గించేందుకు ప్రభుత్వాలు చేస్తున్న ప్రయత్నాలు కూడా పెద్దగా ప్రభావం చూపించటం లేదు. దీంతో రాజకీయ వర్గాల్లో ఉల్లి ధరలపైనే ప్రధాన చర్చ జరుగుతోంది.
సోషల్ మీడియాలో వైరల్ అవుతున్న జోకులు
సోషల్ మీడియాలో ఉల్లి ధరలపై పెద్ద ఎత్తున పోస్ట్‌లు కనిపిస్తున్నాయి. ధరల పెరుగుదలపై రకరకాల సెటైర్లు సర్క్యులేట్‌ అవుతున్నాయి. దొంగలు ఉల్లిపాయల దోచుకెళ్లారని, ఖరీదైన వివాహ వేడుకలో భోజనాల్లో ఉల్లిపాయలతో చేసిన వంటకాలు వడ్డించారని, పెళ్లి కూతురు జడను ఉల్లిపాయలతో అలకరించినట్టుగా రకరకాల మీమ్స్‌ సోషల్ మీడియాలో వైరల్ అవుతున్నాయి.
భార్యకు ఉల్లిపాయలతో చేసిన నగలు ఇచ్చిన బాలీవుడ్‌ హీరో
ఈ లిస్ట్‌లోకి బాలీవుడ్‌ హీరో అక్షయ్‌ కుమార్ చేరాడు. సామాజిక అంశాలపై తనదైన స్టైల్‌లో స్పందించే అక్షయ్‌ కుమార్ ఉల్లిపాయల ధరలపై కూడా తనదైన స్టైల్‌లో సెటైర్‌ వేశాడు. తన భార్య ట్వింకిల్ ఖన్నాకు ఉల్లిపాయలతో చేసిన ఇయర్‌ రింగ్స్‌ను కానుగా ఇచ్చాడు అక్షయ్‌ కుమార్. ఆ ఇయర్‌ రింగ్స్‌ ఫోటోను తన సోషల్ మీడియా పేజ్‌లో పోస్ట్ చేసిన ట్వింకిల్.. అసలేం జరిగిందో వివరించింది.
Twitter-My partner returns from performing at the Kapil Sh...
కొన్ని సార్లు చిన్న విషయాలే మనసును తాకుతాయి
కపిల్ శర్మ షో నుంచి తిరిగి వచ్చిన అక్షయ్‌, ట్వింకిల్‌కు ఉల్లిపాయల ఇయర్‌ రింగ్స్‌ ఇచ్చి `వాళ్లు వీటిని కరీనాకు చూపిస్తున్నారు. నాకు కరీనా వీటితో పెద్దగా ఇంప్రెస్‌ కాలేదేమో అనిపించింది. కానీ వాటిని నువ్వు ఇష్టపడతావని నాకు అనిపించింది అందుకే నీకోసం తీసుకువచ్చా` అని చెప్పాడు. ఈ సందర్భంగా కొన్నిసార్లు చిన్న చిన్న విషయాలు కూడా మనసును తాకుతాయని అభిప్రాయపడింది ట్వింకిల్.