Rhea Chakraborty: సుశాంత్‌ ఆత్మహత్య మిస్టరీ.. అతని గర్ల్ ఫ్రెండ్ రియా చక్రవర్తిపై కేసు నమోదు

సినీ ఇండస్ట్రీలో యువ నటుడు సుశాంత్ సింగ్ రాజ్‌పుత్ ఆత్మహత్య సంచలనంగా మారిన సంగతి తెలిసిందే. టాలెంటెడ్ యాక్టర్ ఇలా బలవన్మరణానికి పాల్పడటం ఏ ఒక్కరూ జీర్ణించుకోలేక పోతున్నారు. అతనిది హత్య కాదు ఆత్మహత్యే అని పోస్ట్‌మార్టం రిపోర్టులో తేలినప్పటికీ.. ఈ ఆత్మహత్య వెనుక కారణాలేంటి? ఎవరైనా ప్రేరేపించారా? అనే కోణంలో పోలీసుల దర్యాప్తు సాగుతోంది. ఈ క్రమంలోనే ఇప్పటికే సుశాంత్ గర్ల్ ఫ్రెండ్ రియా చక్రవర్తితో పాటు అతని సన్నిహితులను విచారించారు ముంబై పోలీసులు.

గత కొంతకాలంగా రియా చక్రవర్తి- సుశాంత్ రిలేషన్‌షిప్‌లో ఉన్నారనే వార్తలు వస్తున్న క్రమంలో ఆయన మరణానికి రియా చక్రవర్తియే కారణమని పేర్కొంటూ ఆమెపై కేసు నమోదు కావడం జనాల్లో పలు అనుమానాలు రేకెత్తిస్తోంది. సుశాంత్‌ సింగ్‌ రాజ్‌పుత్‌ బలవన్మరణానికి రియా చక్రవర్తి కారణమని ఆరోపిస్తూ.. బీహార్‌లోని ముజఫ్ఫర్‌పూర్‌కి చెందిన కుందన్‌కుమార్‌ అనే వ్యక్తి ఆమెపై కోర్టులో కేసు వేశాడు.

Also Read: హన్సికకు సూపర్ ఆఫర్.. వెబ్ సిరీస్ చేసేందుకు రెడీ అయిన హాట్ బ్యూటీ

సుశాంత్‌తో రియా కొన్ని రోజులుగా ప్రేమాయణం సాగిస్తోంది. ఇద్దరూ త్వరలో పెళ్లి చేసుకోవాలని అనుకుంటున్నట్టు రియల్‌ ఎస్టేట్‌ ప్రాపర్టీ మేనేజర్‌ ఒకరు పేర్కొన్నారు. సుశాంత్ ఆత్మహత్య చేసుకోవడానికి కొన్ని గంటల ముందు రియాకు సుశాంత్‌ ఫోను చేయగా ఆమె లిఫ్ట్‌ చేయలేదని తెలిసింది. దీంతో ఈ కేసులో కీలక ఆధారాలు సేకరించేందుకు గాను రియా చక్రవర్తిపై స్పెషల్ ఫోకస్ పెట్టారు పోలీసులు.