నన్ను చంపి ఆత్మహత్య చేసుకుంటానన్నాడు: హీరో మాజీ భార్య

ప్రముఖ హాలీవుడ్ నటుడు జెరెమీ రెన్నర్ మాజీ భార్య సోన్నీ పాచెకో అతని గురించి షాకింగ్ విషయాలు బయటపెట్టారు. ఓసారి జెరెమీ తనను చంపి, నోట్లో గన్నుతో పేల్చుకుని చనిపోతానని బెదిరించాడట. 2014లో జెరెమీ, సోన్నీ విడాకులు తీసుకున్నారు. వీరికి అవా అనే కూతురు కూడా ఉంది. ఇద్దరి మధ్య గొడవలు రావడంతో జెరెమీ గన్నుతో బెదిరించాడట. ఓసారి సోన్నీని చంపి తానూ చస్తానని బదిరించాడట. గన్నును నోట్లో పెట్టుకుని కాల్చుకుంటానను అని బెదిరిస్తూ ఫ్యాన్‌ వైపు తుపాకీతో కాల్చాడట.

READ ALSO: వాళ్లు పెళ్లి చేసుకుంటే నేను చాలా హ్యాపీ : కరీనా కపూర్‌

ఆ సమయంలో తన కూతరు నిద్రపోతోందని చెబుతూ సోన్నీ ఉద్వేగానికి లోనయ్యారు. జెరెమీకి డ్రగ్స్ తీసుకునే అలవాటు ఉందని తనను మానసికంగా వేధించేవాడని తెలిపారు. అతనితో వేగలేక విడాకులకు దరఖాస్తు చేశానని పేర్కొన్నారు. ప్రస్తుతం పాప ఇద్దరి కస్టడీలో ఉంది. కానీ ఎక్కడ పాపకు హాని తలపెడతాడోనని సోలో కస్టడీ కావాలని సోన్నీ కాలిఫోర్నియాలోని కోర్టులో పిటిషన్ వేసింది. మరోపక్క సోన్నీ మెంటల్ హెల్త్ ప్రాబ్లమ్స్ ఉన్నాయని జెరెమీ పిటిషన్ వేశారు. తన ఆస్తి కోసం విడాకులకు దరఖాస్తు చేసుకుందని ఆరోపిస్తున్నారు. మరోపక్క సోన్నీ చెప్పేవన్నీ అబద్ధాలేనని జెరెమీ తరఫు న్యాయవాది అంటున్నారు.

READ ALSO: ఇన్ఫోసిస్ మూర్తి దంపతులపై సినిమా.. ప్రకటించిన దర్శకురాలు

ఆమె ఏవేవో ఊహించేసుకుని పిటిషన్లు వేసేస్తోందని ఆరోపించారు. పాప ఎవరితో ఉండాలన్నది కోర్టు నిర్ణయిస్తుందని చెప్పారు. అంతవరకు తన క్లైంట్ పేరును చెడగొట్టే ప్రయత్నం చేస్తే ఊరుకునేది లేదని హెచరించారు. అయినా తొలిచూపులోనే ప్రేమించుకోవడం, పిల్లలు పుట్టాక గొడవలు పడి విడిపోవడం హాలీవుడ్‌లో సర్వసాాధారణం అయిపోయాయి.