Ranbir Kapoor: ఆలియా భట్‌పై రణ్‌బీర్ కపూర్ కామెంట్.. బుద్ధుందా అంటూ నెటిజన్లు ఫైర్

బాలీవుడ్‌‌‌ బ్యూటీఫుల్ కపుల్స్ రణ్‌బీర్‌ కపూర్‌ (Ranbir Kapoor), ఆలియా భట్‌ (Alia Bhatt)లను బిగ్‌ స్క్రీన్‌పై జంటగా చూసేందుకు అభిమానులు ఎంతో ఆసక్తిగా ఎదురుచూస్తున్నారు. పెళ్లి తరువాత వీరిద్దరు కలిసి నటించిన బ్రహ్మాస్త్ర (Brahmastra) సినిమా రిలీజ్‌కు సిద్ధమైంది. భారీ బడ్జెట్‌తో రూపొందిన ఈ సినిమా మూవీని హిందీతో పాటు తెలుగు, తమిళం, కన్నడ, మళయాళం భాషల్లో సెప్టెంబర్ 9న ఆడియన్స్ ముందుకు రానుంది. టాలీవుడ్ కింగ్ నాగార్జున, బాలీవుడ్ సూపర్ స్టార్ అమితాబ్ బచ్చన్, మౌనీ రాయ్‌‌లు కీలక పాత్రల్లో నటించారు.

ఈ సినిమా విడుదలకు సమయం దగ్గరపడుతుండడంతో ప్రమోషన్ కార్యక్రమాలను షురూ చేశారు. ఇందులో భాగంగా ఆలియా భట్‌‌పై రణ్‌బీర్‌ కపూర్‌ చేసిన ఓ కామెంట్ నెట్టింట తెగ వైరల్ అవుతోంది. భార్యాభర్తలు ఇద్దరు కలిసి అభిమానులతో ముచ్చటించారు. ఈ సందర్భంగా ఓ అభిమాని ప్రశ్నిస్తూ.. పాన్‌ ఇండియా స్థాయిలో రిలీజ్ కాబోతున్న 'బ్రహ్మాస్త్ర' సినిమా ప్రమోషన్స్‌ పూర్తిస్థాయిలో ఎందుకు జరగడం లేదని అడిగాడు.

త్వరలోనే అన్ని ప్రాంతాలకు వెళ్లి తమ సినిమాను ప్రమోట్ చేస్తామని సమాధానం ఇచ్చింది ఆలియా భట్. ఇంకా ఆమె ఏదో చెప్పబోతుండగా.. మధ్య రణ్‌బీర్ కలుగజేసుకున్నాడు. తమ సినిమాను ఎందుకు ప్రమోట్ చేయడం లేదంటే.. ఇక్కడ ఒకరు భారీగా పెరుగుతున్నారంటూ కామెంట్ చేశాడు. దీంతో ఆలియా ఒక్కసారిగా షాక్‌కు గురైంది. వెంటనే తెరుకున్న రణ్‌బీర్‌.. తాను కేవలం జోక్ చేశానంటూ కవర్ చేసుకున్నాడు.

అయితే నెటిజన్లు మాత్రం రణ్‌బీర్‌ కపూర్‌పై ఓ రేంజ్‌లో మండిపడుతున్నారు. బుద్దుందా అంటూ తిడుతున్నారు. ఓ ప్రెగ్నెంట్ మహిళను ఇలా అంటావా అంటూ ఫైర్ అవుతున్నారు. గతంలో కత్రినా కైఫ్ గురించి హేళనగా మాట్లాడావని.. ఇప్పుడు ఆలియా బాడీ షేమింగ్ చేస్తున్నావంటూ ట్రోల్ చేస్తున్నారు. రణ్‌బీర్‌ను పెళ్లి చేసుకుని తప్పు చేశావు ఆలియా అంటూ కామెంట్స్ చేస్తున్నారు. నీకు ఇంతకంటే మంచి వ్యక్తి భర్తగా వచ్చేవాడని చెబుతున్నారు. ప్రస్తుతం ఈ వీడియో నెట్టింగ తెగ వైరల్ అవుతోంది.