బాలీవుడ్ నటి శిల్పా శెట్టి (Shilpa Shetty) భర్త, వ్యాపారవేత్త రాజ్ కుంద్రా (Raj Kundra) అడల్ట్ కంటెంట్ (నీలి చిత్రాలు) కేసులో అరెస్టయిన సంగతి తెలిసిందే. రాజ్ కుంద్రా ముంబైలో నీలి చిత్రాలను చిత్రీకరించి, వాటిని పంపిణీ చేశారని ఆరోపణలు ఉన్నాయి. ఈ కేసులో 2021లో రాజ్ కుంద్రాను ముంబై పోలీసులు అరెస్ట్ చేశారు. అప్పట్లో ఈ కేసు దేశ వ్యాప్తంగా హాట్ టాపిక్. సుమారు మూడు నెలలు రాజ్ కుంద్రా జైలులో ఊచలు లెక్కపెట్టారు. బెయిల్‌పై విడుదలైన రాజ్ కుంద్రా రెండేళ్లుగా కోర్టులో కేసు విచారణ కోసం వేచి చూస్తున్నారు. అయితే, ఈ విచారణ వేగవంతం చేయాల్సిన అవసరం ఉందని అంటున్నారు రాజ్ కుంద్రా లాయర్ ప్రశాంత్ పాటిల్. ఈ కేసులో ఫాస్ట్ ట్రాక్ ట్రయిల్ జరపాలని కోరుతున్నారు. ఈ మేరకు గురువారం మీడియాకు ఒక ప్రకటనను విడుదల చేశారు.
ఈ కేసులో రాజ్ కుంద్రా న్యాయమైన, వేగవంతమైన విచారణను ఎదుర్కోకుండా అడ్డుకుని ఆయన ప్రాథమిక హక్కను కాలరాశారని ప్రశాంత్ ఆరోపించారు. ‘న్యాయ వ్యవస్థ మీద మాకు పూర్తి నమ్మకం ఉంది. అందుకే రోజువారీ ప్రాతిపదికన విచారణ జరపాలని కోరుతూ కోర్టుకు దరఖాస్తు చేసుకున్నాం. నా క్లయింట్ మీద ఉన్న ఆరోపణలు రుజువైతే కోర్టు ఆయన్ని శిక్షిస్తుంది. కానీ, నా క్లయింట్ అమాయకుడు, ఏ తప్పూ చేయలేదు అని తేలితే ఆయన మీద ఉన్న తప్పుడు ఆరోపణలన్నీ తుడుచుపెట్టుకుపోతాయి. తీర్పు ఆలస్యమైతే న్యాయం జరగనట్టే. ఇప్పటికైనా కేసు విచారణ మొదలవుతుందని ఆశిస్తున్నాం’ అని ప్రశాంత్ వెల్లడించారు.
కాగా, రాజ్ కుంద్రా 2021 సెప్టెంబర్‌లో జైలు నుంచి విడుదలయ్యారు. ఆ వెంటనే ఆయన ఒక ప్రకటనను విడుదల చేశారు. తనను అన్యాయంగా ఈ కేసులో ఇరికించారని పేర్కొన్నారు. తన జీవితంలో తాను ఎప్పుడూ ‘పోర్నోగ్రఫీ’ చిత్రీకరణ, పంపిణీలో పాలుపంచుకోలేదని శిల్పా శెట్టి భర్త వివరణ ఇచ్చారు. అయితే, సోషల్ మీడియాలో మాత్రం రాజ్ కుంద్రాపై చాలా నెగిటివిటీ ఉంది. ఆయన తప్పుచేసినట్టే చాలా మంది నమ్ముతున్నారు. కోర్టు తీర్పు వెలువడితే తప్ప ఆయన దోషా, నిర్దోషా అనే విషయాలు తెలియవు.
ఈ కేసులో రాజ్ కుంద్రా న్యాయమైన, వేగవంతమైన విచారణను ఎదుర్కోకుండా అడ్డుకుని ఆయన ప్రాథమిక హక్కను కాలరాశారని ప్రశాంత్ ఆరోపించారు. ‘న్యాయ వ్యవస్థ మీద మాకు పూర్తి నమ్మకం ఉంది. అందుకే రోజువారీ ప్రాతిపదికన విచారణ జరపాలని కోరుతూ కోర్టుకు దరఖాస్తు చేసుకున్నాం. నా క్లయింట్ మీద ఉన్న ఆరోపణలు రుజువైతే కోర్టు ఆయన్ని శిక్షిస్తుంది. కానీ, నా క్లయింట్ అమాయకుడు, ఏ తప్పూ చేయలేదు అని తేలితే ఆయన మీద ఉన్న తప్పుడు ఆరోపణలన్నీ తుడుచుపెట్టుకుపోతాయి. తీర్పు ఆలస్యమైతే న్యాయం జరగనట్టే. ఇప్పటికైనా కేసు విచారణ మొదలవుతుందని ఆశిస్తున్నాం’ అని ప్రశాంత్ వెల్లడించారు.
కాగా, రాజ్ కుంద్రా 2021 సెప్టెంబర్‌లో జైలు నుంచి విడుదలయ్యారు. ఆ వెంటనే ఆయన ఒక ప్రకటనను విడుదల చేశారు. తనను అన్యాయంగా ఈ కేసులో ఇరికించారని పేర్కొన్నారు. తన జీవితంలో తాను ఎప్పుడూ ‘పోర్నోగ్రఫీ’ చిత్రీకరణ, పంపిణీలో పాలుపంచుకోలేదని శిల్పా శెట్టి భర్త వివరణ ఇచ్చారు. అయితే, సోషల్ మీడియాలో మాత్రం రాజ్ కుంద్రాపై చాలా నెగిటివిటీ ఉంది. ఆయన తప్పుచేసినట్టే చాలా మంది నమ్ముతున్నారు. కోర్టు తీర్పు వెలువడితే తప్ప ఆయన దోషా, నిర్దోషా అనే విషయాలు తెలియవు.